Swaard

Elke soldaat in antieke tye het ʼn swaard as deel van sy wapens gehad. Hierdie swaard is uit brons en later uit yster gemaak.

In die laat Bronstydperk (1550-1200 v.C.) het mense hoofsaaklik van kromswaarde gebruik gemaak. Hulle was sekelvormig, maar anders as sekels, is hulle aan die buitekant skerp gemaak. ʼn Kromswaard was ongeveer 25 cm lank. Hierdie tipe swaard is hoofsaaklik gebruik om mee te kap. Volgens (%1 Samuel 17:45%) het Goliat ʼn kromswaard gedra.