Spies

ʼn Spies of lans is ontwerp om na die opponent te steek. Dit was ongeveer 1,5 tot 1,8 meter lank en het uit ʼn lang houtskag met ʼn breë metaalpunt bestaan. Die onderste deel van die skag het ook ʼn metaalpunt gehad wat gebruik is om die spies in die grond te steek.

Daar was ook kleiner, ligter spiese wat gebruik is om te gooi, meer algemeen bekend as ʼn werpspies. Dit is uit hout of riet gemaak. Dikwels is ʼn tou aan die skag vasgemaak met ʼn lus aan die ander punt wat die gooiers om hulle vingers gehaak het. Wanneer die spies gegooi is het die tou afgerol en gesorg vir rigting en stabiliteit.