Stormram

Stormramme is gebruik om ʼn stad te beleër. Hulle was bedoel om gate in die stadsmuur te maak of om die stadspoorte oop te breek. Die Assiriërs was die eerstes om stormramme te gebruik. Dit het hulle baie suksesvol gemaak tydens beleërings.

ʼn Stormram is van hout gemaak en met leer en metaal bedek. Dit het bestaan uit ʼn stewige paal met ʼn sterk metaalkop. Die paal het aan twee toue gehang sodat die stormram gemaklik vorentoe en agtertoe kon swaai. ʼn Houtkis is as beskerming rondom die stormram gebou, en die hele konstruksie is op ʼn wa geplaas.