Moord
Moord was ʼn ernstige misdaad volgens die wette van die Ou Testament asook in die Nuwe Testament. Een van die tien gebooie handel oor moord.
Moord en manslag
In die Ou Testament word ʼn onderskeid gemaak tussen moord en manslag:
- moord is om iemand met voorbedagte rade dood te maak, byvoorbeeld uit jaloesie. Nog ʼn voorbeeld van moord in die Ou Testament is strafbare agterlosigheid met betrekking tot ʼn aanstormende os: as ʼn persoon nalaat om ʼn os, wat daartoe geneig is om mense te gaffel, vas te maak en hierdie os deurboor iemand noodlottig, is dit beskou as moord. Wanneer moord gepleeg is, moes die skuldige gestraf word.
- manslag is onvoorsiene moord, byvoorbeeld as die kop van ʼn byl loskom terwyl iemand besig is om hout te kap. In die geval van manslag, kon ʼn persoon na ʼn asielstad vlug, waar hy veilig sou wees. In sulke gevalle was bloedwraak
nie toelaatbaar nie. Die skuldige kon vrygelaat word ná ʼn verhoor.
Uitsonderings
Daar was uitsonderings met betrekking tot strawwe vir moord en manslag:
- bloedwraak
is nie as moord beskou nie. Dienooreenkomstig is die optrede van ʼn wreker vrygestel van verdere bloedwraak. - in die praktyk was doodmaak in tye van oorlog
ook toelaatbaar. Die Israeliete was in elk geval besig om God se vyande dood te maak. - indien iemand tydens ʼn geveg neergevel is, weer opgestaan het, maar ʼn ruk later gesterf het, is die skuldige nie vir manslag gestraf nie (Eksodus 21:20-21
).
As die moordenaar onbekend was
As iemand vermoor is maar die skuldige se identiteit is onbekend, moes ʼn reinigingsritueel uitgevoer word.
Volgens Deuteronomium 21:1-9
Lees verder?
Met ʼn gratis BibleSA-rekening kan jy:
