Regspraak

Regters het in bybelse tye regspraak gelewer.

Daar was geen openbare beskermer soos in ons hedendaagse regstelsel nie. Die slagoffer in ʼn regsaak moes homself as die klaer verteenwoordig. Hy het langs die aangeklaagde in die hof gestaan.

In Ou Testamentiese tye was die regters oudstes (van die dorp), priesters of konings. Regters kom ook in die boek Rigters voor. Hulle lewer nie net regspraak nie, maar is ook leiers van die volk.

In die Nuwe Testament is godsdienstige sake in die Sanhedrin aangehoor. Nie-godsdienstige sake het onder die Romeinse reg geval.