Trom

ʼn Trom is ʼn slaginstrument. Dit is selde in en om die tempel gebruik, maar is eerder dikwels tydens optogte en vieringe gebruik. Die Hebreeuse woord vir drom is

tof

.

ʼn Trom is van die vel van ʼn dier gemaak wat oor ʼn houtraam gespan is. Die trom is met die een hand vasgehou en met die ander hand geslaan.

ʼn Trom met klokkies aan die kant is ʼn tamboeryn. Vroue het dikwels die tamboeryn bespeel (sien bv Eksodus 15:20; Rigters 11:34; 1 Samuel 18:6; Psalm 68:26; Jeremia 31:4).

Die trom is dikwels as begeleiding by sang tydens feeste gebruik. Dit is opvallend dat hierdie instrument selde in en om die tempel gebruik is.