Harp

Die harp behoort tot die familie van snaarinstrumente. Dit word in die Bybel omtrent altyd saam met die lier gebruik, soos in 2 Samuel 6:5. Die Hebreeuse woord vir harp is nevel.

ʼn Harp was waarskynlik ʼn instrument met baie snare; dit het meer snare gehad as ʼn lier. Die snare is van skaapderms gemaak. Die klank was daarom laag en hard.

Die harp was boogvormig of driehoekig en is soms horisontaal gespeel met ʼn plektrum.

Die harp is hoofsaaklik deur die Leviete in en om die tempel bespeel, byvoorbeeld tydens ʼn optog met die verbondsark of vir oorwinningsfeeste (sien 2 Kronieke 20:28).