Simbaal

ʼn Simbaal is ʼn slaginstrument. Uit al die slaginstrumente was dit hoofsaaklik die simbale wat dikwels in die tempel gebruik is.

ʼn Simbaal het bestaan uit twee bronsskywe, die simbale self. Die musikant moes sy hande onder ʼn tou deursteek om die simbale stewig vas te hou. Deur hulle teen mekaar te slaan, is ʼn skerp geluid voortgebring. Daar was groot simbale wat harder klanke kon produseer terwyl die heel kleinste simbale sagter klanke kon voortbring.