Nisrok

Nisrok is die naam van ʼn god wat in 2 Konings 19:37 vermeld word. Daar is hy na bewering die god van die Assiriese keiser Sanherib. Toe Sanherib tempel toe gaan om Nisrok te aanbid, word hy deur sy eie seuns vermoor.

Ons ken die naam Nisrok slegs uit die Bybel. Sy naam word nie in Assiriese bronne gevind nie. Dit is moontlik dat die god se oorspronklike naam doelbewus of per ongeluk deur Hebreeuse skrywers verander is. Nisrok is waarskynlik ʼn verbastering van die naam Ninurta wat een van die belangrike gode in Assirië was.