Marduk

Marduk was die beskermgod van die stad Babilon. Sy naam verskyn slegs een keer in die Bybel.

Marduk, na wie ook verwys word as Bel (“meester”), was die beskermgod van die hoofstad van die Babiloniese Ryk. Teen die einde van die tweede millennium v.C. het hy die belangrikste god in die Babiloniese panteon geword. Voorheen was Enlil die belangrikste god. Met die verloop van die eeue het mense Marduk begin beskou as die heerser oor die hele aarde en as koning van die gode.