Gode en geeste

In die Ou Nabye Ooste het elke land, stad en familiegroep hulle eie gode gehad. ʼn Onderskeid word gemaak tussen hoër gode, mindere gode en geeste.

Die gode het aan ʼn groter gemeenskap behoort, net soos mense deel is van ʼn familie. Aan die hoof van die kollektiewe gode (ook ʼn “panteon” genoem) was die koning van die gode. Die belangrikste gode was sy seuns. Hulle het ʼn vergadering gevorm wat al die besluite geneem het. Die gode wat deel was van hierdie vergadering en wat aan die hoof was, het verskil ten opsigte van tyd en plek.