Die Evangelies

Die Nuwe Testament bevat vier boeke wat bekend staan as “Evangelies”: die Evangelie volgens Matteus, die Evangelie volgens Markus, die Evangelie volgens Lukas en die Evangelie volgens Johannes.

Die Evangelies volgens Matteus, Markus en Lukas staan gesamentlik bekend as die drie Sinoptiese Evangelies. Die Evangelie volgens Johannes het ʼn ander karakter.

Die term “sinopties” is afkomstig van die Griekse woord

synopsis

, wat “oorsig” beteken. Die drie Sinoptiese Evangelies stem in so ʼn mate ooreen tov inhoud, struktuur en woordgebruik dat hulle saam gelees kan word.

Benewens die vier kanonieke Evangelies van die Nuwe Testament, is daar ook verskeie Apokriewe Evangelies: die Evangelie van Judas, die Evangelie van Petrus en die Evangelie van Tomas.