To The Word – Day 165

₁Gwa fetola Bildade wa go tšwa Shuage a re:

₁Ge Jobo le bagwera ba gagwe ba bararo ba šetše ba boledišane nako ye telele, Jobo a ba fetola a re:

₁Gwa fetola Tsofare wa go tšwa Naama a re:

₁Jobo a fetola a re:

₁Yo a tekatekago tumelong le mo amogele le sa ngangišane naye ka tše a di dumelago. ₂Tumelo ya yo mongwe e re a ka ja sejo se sengwe le se sengwe, mola ya yo a tekatekago e re a je merogo fela. ₃Yo a jago se sengwe le se sengwe a se ke a nyatša yo a sa se jego; le yo a jago merogo fela a se ke a bona yo a jago se sengwe le se sengwe phošo; gobane Modimo o mo amogetše. ₄Bjale wena o mang ge o bona mohlanka wa yo mongwe phošo? Etse yo a tsebago go kgona le go palelwa ga mohlanka ke mong wa gagwe. Gomme o tla kgona ka gobane Morena a na le maatla a go mo kgontšha.

₅Yo mongwe o bona letšatši le lengwe e le le legolo go feta a mangwe, mola yo mongwe a bona matšatši ka moka a lekana. Mongwe le mongwe a a phethe se a se dumelago. ₆Yo a hlomphago letšatši le lengwenyana, o le hlomphela Morena; yo a jago se sengwe le se sengwe o se jela go hlompha Morena, ka gobane o leboga Modimo ka lebaka la dijo tšeo. Yo a ganago go ja dijo tše dingwenyana le yena o ganela go hlompha Morena, gomme o leboga Modimo. ₇Gobane mo go rena ga go yo a iphelelago, le yo a ikhwelago ga a gona. ₈Ge re phela, re phelela Morena, le ge re ehwa, re hwela Morena. Ka gona, ge re phela goba re ehwa, re ba Morena. ₉Gobane Kriste o rile go hwa a ba a tsoga gore a tle a be Morena wa ba ba phelago le ba ba hwilego. ₁₀Bjale ge, wena o jago merogo fela, o reng o bona ngwaneno phošo? Le wena o jago sengwe le sengwe, o reng o nyatša ngwaneno? Gape ka moka ga rena re tlilo ema pele ga Modimo gore a re ahlole. ₁₁Gobane Mangwalo a Makgethwa a re:

₁₂Ka gona mongwe le mongwe wa rena o tla itlhaloša go Modimo ka tše a dirilego.

₁₃Ge go le bjalo, a re leseng go bonana diphošo. Go ka ba kaone ge motho a ka ikemišetša go se kgopiše ngwanabo le ge e le go mo diriša sebe. ₁₄Ka ge ke le molatedi wa Morena Jesu, ke a tseba ebile ke a kgolwa gore ga go selo se ka bosona se tšhilafetšego, fela ge motho a kgolwa gore selo se tšhilafetše, ka nnete go yena e ba se se tšhilafetšego. ₁₅Ge eba ka go ja sejo se sengwenyana o kgopiša ngwaneno, gona ga o sa hlahlwa ke lerato. O se ke wa timetša motho yo a hwetšwego ke Kriste ka se o se jago. ₁₆Le se ke la dira gore se sebotse se le nago le sona se goboge. ₁₇Gobane mmušo wa Modimo ga se go ja le go nwa, eupša ke boloki le khutšo le lethabo – dilo tšeo di tlišwago ke Moya wo Mokgethwa. ₁₈Yo a hlankelago Kriste ka mokgwa wo, o kgahla Modimo gomme o hlompšha ke batho.

₁₉Ka gona, a re phegeleleng go dira tše di hlohleletšago khutšo, gomme re tiišaneng. ₂₀Se Modimo a se dirilego o se ke wa se senya ka lebaka la dijo. Ga go na sejo se se sa lewego; fela ke phošo go ja sejo se se ka dirišago yo mongwe sebe. ₂₁Ke mo gobotse go se je nama, go se nwe beine, le go se dire se se ka wetšago ngwaneno sebeng. ₂₂Mabapi le taba ye, se o se dumelago se ama wena le Modimo. Go lehlogonolo yo a rego go dira selo se a bonago se lokile a se itshole. ₂₃Ge motho a ka re a eja sejo se sengwenyana a kwa a na le pelo tše pedi, ge a se ja Modimo o a mo tšwa, ka ge a eja a sa hlahlwe ke tumelo ya gagwe. Gomme sengwe le sengwe se motho a se dirago a sa hlahlwe ke tumelo, ke sebe.

₁Rena ba tumelo ye e tiilego re swanetše go rwadiša ba tumelo ye e fokolago mathata a bona mo go tša tumelo. Re se ikgahliše. ₂Motho a kgahliše modumedikayena ka go mo direla tše di mo holago, a mo age mo go tša tumelo. ₃Gobane Kriste le yena o be a sa ikgahliše; eupša go bile bjalo ka ge Mangwalo a Makgethwa a bolela a re: “Ke wetšwe ke mahlapa a bao ba go rogago.” ₄Tšohle tše di ngwadilwego ka Mangwalong a Makgethwa mehleng ya kgale di ngwaletšwe go re ruta, gore re tle re be le kholofelo ka go se fele pelo le go tiišwa ke tše di ngwadilwego. ₅A Modimo yo a re kgontšhago go se fele pelo, gape a re tiišago a dire gore le phedišane ka kwano go ya ka moo go kgahlago Kriste Jesu, ₆gore le tle le tumiše Modimo, TatagoMorena wa rena, Jesu Kriste, mmogo ka molomo o tee.

₇Ka gona, le amogelaneng bjalo ka ge Kriste le yena a le amogetše, mme e be gona go tumiša Modimo. ₈Gomme ke le botša gore Kriste o be a tletše go hlankela Bajuda ka go phetha tše Modimo a di holofeditšego borakgolokhukhu ba rena, go bontšha gore yena Modimo o a botega, ₉le go dira gore baditšhaba ba tle ba tumiše Modimo ka ge a na le kgaugelo, bjalo ka ge Mangwalo a Makgethwa a re:

₁₃Anke Modimo yo a le fago kholofelo a dire gore ka ge le mo dumetše, le be le lethabo le khutšo ka botlalo, gore kholofelo ya lena e fele e oketšwa ke Moya wo Mokgethwa ka maatla a wona.

₁₄Banabešo, nnaena ke tloga ke dumela gore le na le botho e le ruri, le gore le tseba ka botlalo se motho a swanetšego go se dira, ebile le kgona le go eletšana. ₁₅Fela mo lengwalong le ke tloga ke betile pelo ka ngwala ditaba tše dingwenyana tše ke le gopotšago tšona. Ke bile le sebete ka ge Modimo a bile yo botho go nna, ₁₆ka go ntira mohlanka wa Kriste Jesu wa go begela baditšhaba Taba ye Botse ya Modimo. Ge ke dira bjalo ke dira modiro wa boprista, gore baditšhaba e tle e be sehlabelo se se kgahlago Modimo, se a se abetšwego ke Moya wo Mokgethwa. ₁₇Ke ka lebaka leo ke nago le lebaka la go ikgantšha ge ke šomela Modimo, ke le wa Kriste Jesu. ₁₈Nka se bete pelo ka bolela tše dingwe ntle le tše Kriste a di dirilego ka nna go ruta baditšhaba go theeletša Modimo. Seo o se dirile ka dipolelo le ka mediro, ₁₉ka maatla a mehlolo le a dimakatšo, le ka maatla a Moya wa Modimo. Ke ka lebaka leo ke gašitšego Taba ye Botse ye ya Kriste ka botlalo gohle mo ke fetilego gona, go tloga Jerusalema go yo fihla Ilirikomo. ₂₀Se ke bego ke se fišegela ke go gaša Taba ye Botse ye moo batho ba bego ba sešo ba kwa ka Kriste, gore e se tlo ba nke ke aga motheong wa yo mongwe. ₂₁A go be bjalo ke ge Mangwalo a Makgethwa a bolela a re:

₂₂Ke yona taba ye e mpaledišitšego gantši go le etela. ₂₃Fela bjale ga go sa na modiro wo nka o dirago mo dinageng tše, le gona e šetše e le mengwaga ye mentšinyana ke duma go tlo feta moo go lena ₂₄ge ke eya Spania. Ke mo ke holofelago gore ke tla feta ke le bona la mphelesetša gona ka morago ga ge ke ile ka iketla le lena sebakanyana. ₂₅Gonabjale ke sa ya Jerusalema go yo thuša badumedi ba gona. ₂₆Gobane diphuthego tša Matsedonia le tša Agaya di kgahlilwe ke go kgobokeletša bahloki gare ga badumedi ba Jerusalema dimpho. ₂₇Seo ke se ba ithaopilego go se dira; fela gabotsebotse ba tlemegile go ba thuša, gobane ka ge Bajuda ba abelane le baditšhaba tša moya, baditšhaba le bona ba lebanwe ke go thuša Bajuda ka tša nama. ₂₈E tla re ge ke phethile mošomo wo ke bile ke ba file tšhelete ka moka ye ba e kgobokeleditšwego, ka tšea leeto la go ya Spania mme ka feta ke le bona. ₂₉Ke a tseba gore mohla ke etla go lena ke tla le kgopelela tšhegofatšo ye e feletšego ya Kriste go Modimo.

₃₀Bjale ge, banabešo, ke le kgothatša ka Morena wa rena Jesu Kriste le ka lerato le Moya o re fago lona, gore le nthapediše Modimo ka phišego. ₃₁Le nthapelele gore ke se wele diatleng tša bahlokatumelo ba naga ya Judea, le gore tše ke thušago badumedi ba Jerusalema ka tšona di ba kgahle. ₃₂Ke mo ke tlago tla go lena ke thabile, ge Modimo a rata, ka lapološwa ke go ba le lena. ₃₃Modimo yo a re fago khutšo a be le lena. Amene.

₁Ke le tsebiša gore modumedikarena wa mosadi, Foibe, yo e lego modiredi phuthegong ya Kenegerea, ke motho yo a lokilego. ₂Le mo amogele e le wa Morena, ka mo badumedi ba swanetšego go dira ka gona, gomme le mo thuše ka mo go nyakegago; gobane le yena o thušitše ba bantši, ešita le nna o nthušitše.

₃Le dumediše Prisila le Akhwila, bona ba šomilego le nna mola re le modirong wa Kriste Jesu; ₄ke bona bale ba go ka ba ipea kotsing ya lehu gore ba mphološe. Ga se nna fela ke ba lebogago, eupša ba lebogwa le ke diphuthego ka moka tše di tšwago baditšhabeng. ₅Le phuthego ye e kopanelago ka lapeng la bona e dumele.

Le dumediše Epaenetose, mogwera wa ka yo ke mo ratago kudu, yo e bilego yena motho wa mathomo nageng ya Asia wa go dumela go Kriste. ₆Le ntumedišetše Maria, yo a le šometšego kudu. ₇Le dumediše le Andronikose le Juniase, banna ba gešo, ba ba kilego ba ba kgolegong le nna, ba ba tsebjago kudu ke baapostola, le gona ba bile Bakriste pele ga ka.

₈Le dumediše Ampliatose, mogwera wa ka yo ke mo ratago kudu, yo e lego modumedi wa Morena bjalo ka nna. ₉Le dumediše le Urbanose, yo a šomilego le rena ge re le modirong wa Kriste, le Stagise, mogwera wa ka yo ke mo ratago kudu. ₁₀Apelese a dumele, yena monna yo go botegela Kriste ga gagwe go šetšego go bonagetše. Le ba ga Aristobulose ba dumele. ₁₁Madume go mogagešo, Herodione, le go ba ga Narkisose, ba e lego ba Morena.

₁₂Le ntumedišetše boTrefina le Trefosa, bona ba itapišetšago Morena; le dumediše le Persise, mogweraka yo ke mo ratago kudu, mosadi yo a šometšego Morena e le ruri. ₁₃Le dumediše Rufose, mošomedi wa senatla wa Morena, le mmagwe, yo le nna a bego a ntshwere bjalo ka morwagwe. ₁₄Le lotšhe Asinkritose le Flegone le Hermese le Patrobase le Hermase le bana ba borena ba bangwe ka moka ba ba nago le bona. ₁₅Le ntumedišetše Filologose le Julia le Nereose le kgaetšedi ya gagwe, le Olimpase le badumedi ka moka ba ba nago le bona.

₁₆Le dumedišane ka go atlana, gona go bontšhago go ratana ga badumedi. Diphuthego tšohle tša Kriste di a le dumediša.

₁₇Banabešo, ke le laya ke tiišitše gore le itote go bao ba aroganyago batho le gona ba ba kgelošago thutong ye le ithutilego yona. Le se ke la kopana nabo, ₁₈gobane ba babjalo ga ba hlankele Kriste, Morena wa rena, eupša ba laolwa ke bojato. Ka maleme a bona a boreledi le dipolelo tša bona tša go goketša ba fora ba ba sa ba gopolelego maaka. ₁₉Batho ka moka ba kwele ka mo le botegetšego Ebangedi ka gona; ke sona se ke le thabeletšego sona. Ke nyaka ge le ka hlalefela tše di lokilego, tše dimpe tšona la se tsebe selo ka tšona. ₂₀Gomme Modimo, yena Moretlišetšakhutšo, o kgauswi le go gataka Sathane.

Morena wa rena, Jesu Kriste, a le gaugele.

₂₁Timotheose, mošomikanna, le magagešo, Lusiose, le Jasone le Sosipatere ba a le dumediša.

₂₂Nna, Tersiose, mongwadi wa lengwalo le, ke le dumediša ke le modumedikalena.

₂₃Gayose, yo ke lego moeng wa gagwe, yo phuthego e kopanelago ka ga gagwe, o a le tamiša. Erastose, ramatlotlo wa motse, le ngwanaborena, Kwartose, ba re le dumele.

₂₅A re tumišeng Modimo yo a kgonago go le tiiša tumelong ya lena, go ya ka Taba ye Botse ye ke e begago mabapi le Jesu Kriste, le go ya ka kutollo ya sephiri se e sa lego se utwa go tloga le go tloga. ₂₆Fela bjale sephiri seo se utolotšwe ka mangwalo a baprofeta; gomme ka taelo ya Modimo wa go sa felego se begetšwe ditšhaba tšohle, gore di dumele go Modimo di mo theeletše.

₂₇A Modimo, yena Rabohlale a nnoši, a tumišwe go ya go ile ka Jesu Kriste. Amene.