Griekse godsdiens

Soos meeste ander godsdienste van die oudheid was die Griekse godsdiens politeïsties: daar was baie verskillende gode. Voorbeelde van Griekse gode is Apollo, Artemis, Hermes en Zeus (die belangrikste gode in die panteon). Die gode is op verskillende maniere op verskillende plekke aanbid. Hulle het lewe gekry in verhale (mites) wat van geslag na geslag oorgedra is.

In die dae van Hellenisme het die Griekse godsdiens belangrike veranderings ondergaan. Die Griekse godsdiens het toenemend onder die invloed van ander volke se idees gekom (sien Griekse godsdiens in die Hellenistiese periode).