Bloed

Bloed word in die Ou Testament in verband gebring met mense en diere se lewenskrag. Dit is waarom Israeliete verbied word om bloed, of vleis wat nog bloed bevat, te eet. Terselfdertyd speel bloed, wat die beliggaming van lewe is, ʼn belangrike rol in (reinigings)rituele.

Omdat bloed lewe verteenwoordig, behoort dit aan God. Om bloed te eet, word daarom deur die Bybel verbied. Nóg heidene, nóg Israeliete word toegelaat om bloed van lewendige diere te eet (Genesis 9:4). Om bloed te laat by lewendige diere ten einde hulle bloed te drink, was weliswaar ʼn gebruik wat by sommige kulture bestaan het. Die Bybel verbied dit egter.