Bloed
Bloed word in die Ou Testament in verband gebring met mense en diere se lewenskrag. Dit is waarom Israeliete verbied word om bloed, of vleis wat nog bloed bevat, te eet. Terselfdertyd speel bloed, wat die beliggaming van lewe is, ʼn belangrike rol in (reinigings)rituele.
Die eet van bloed
Omdat bloed lewe verteenwoordig, behoort dit aan God. Om bloed te eet, word daarom deur die Bybel verbied. Nóg heidene, nóg Israeliete word toegelaat om bloed van lewendige diere te eet (Genesis 9:4
Boonop mag Israeliete nie die bloed van geslagte diere, of selfs die vleis van ʼn dooie dier eet as dit nog bloed bevat nie (Levitikus 7:26-27
Gebruik van bloed in rituele
Bloed as ʼn lewensaar vir lewenskrag is by verskeie rituele in die Ou Testament gebruik:
- Bloed kan dien as ʼn versoeningsmiddel tussen God en mens. Die bloed en die vet van ʼn offerdier bied lewe aan sondaars (Levitikus 17:11
). - Bloed word in rituele gebruik om lewendes teen die magte van die dood te beskerm, soos die bloed wat deur die Israeliete aan die deurkosyne gesmeer is in Eksodus 12:7
. - In reinigingsrituele
speel bloed ook ʼn belangrike rol. Bloed reinig die altaar (Esegiël 43:20 ) en die tempel (Esegiël 45:18-20 ), en is gebruik om mense met velsiektes te reinig (Levitikus 14:1-7 ). (Sien onreinheid by mense .) - Bloed speel ʼn rol by inisiasieseremonies: nuwe priesters
is met bloedoffers besprinkel (Eksodus 29:9-21 ; Levitikus 8:24 ). Hier simboliseer die bloed die nuwe lewe wat aan hulle gegee word.
Bloed as bron van onreinheid
In sommige gevalle in die Ou Testament is bloed in werklikheid ʼn bron van onreinheid
- Onskuldige bloed: die vergieting van die bloed van onskuldige mense lei tot bloedskuld. Dit maak die land onrein (Numeri 35:33-34
; Deuteronomium 19:10-13 ; Jeremia 7:6 ). - Menstruele bloed of nageboortelike bloedvloeiing: in die Ou Testament is menstruele bloed beskou as die oerbeeld van onreinheid (Levitikus 20:18
; Esegiël 36:17 ). Eweneens, maak die bloedvloeiing ná kindergeboorte ʼn vrou tydelik onrein (Levitikus 12:1-8 ). (Sien onreinheid by mense .)
Lees verder?
Met ʼn gratis BibleSA-rekening kan jy: