Skrif

Die Bybel bestaan uit geskrewe tekste. Daarom is dit belangrik om die ontstaan van skrif te ondersoek, asook die rol wat dit in die wêreld van die Bybel gespeel het.

Een van die oudste geskrewe tale in die wêreld is Sumeries. Dit is die taal wat in die vierde en vyfde millennium v.C. in oud-Mesopotamië (hedendaagse Irak) gepraat is. Die Sumeriërs het ʼn soort piktogram ontwikkel om die woorde van hulle taal weer te gee. Hieruit het ʼn skryfvorm ontstaan waarna daar vandag as spykerskrif verwys word. Dit het bestaan uit ʼn aantal lettertekens wat ʼn spesifieke lettergreep of woord aangedui het.

Sedert die tweede millennium v.C. het Akkadies belangriker geword as Sumeries. Anders as Sumeries is Akkadies ʼn Semitiese taal, soos Hebreeus, Aramees en Arabies. Beide Akkadies as Sumeries is in spykerskrif geskryf.