Rente

Wanneer mense geld geleen het, moes hulle dit met rente terugbetaal.

In Israel was dit verbode om rente te vra van mede-Jode wat geld moes leen om te oorleef. ʼn Hoë rentekoers sou hulle net in groter moeilikheid laat beland. Rentekoerse kon baie hoog wees; in Babilonië het rente tussen 12% en 20% gewissel.

Daar was egter geen algemene verbod op rente in die bybelse tyd nie. Dit was aanvaarbaar om van vreemdelinge rente te vra, soos in Deuteronomium 23:20-21. Mense kon ook vir ʼn deposito vra wanneer hulle iets aan iemand geleen het.