Umhlahlandlela Wokuphila – Day 5

₂Yizwa izwi lokukhala kwami,

Nkosi yami, Nkulunkulu wami,

ngokuba ngithandaza kuwe.

₃Jehova, ekuseni uyalizwa izwi lami;

ekuseni ngiyakuzibika kuwe, ngilinde.

₂Phakamiselani izandla zenu endlini engcwele,

nimbonge uJehova.

₁Hlokoma kuJehova ngezwi lokuhalalisa,

mhlaba wonke.

₂Mkhonzeni uJehova ngokujabula,

nisondele ebusweni bakhe ngokuhuba kwentokozo.

₃Yazini ukuthi uJehova unguNkulunkulu;

nguye osenzileyo, akuthina,

sibe ngabantu bakhe nezimvu zedlelo lakhe.

₄Ngenani emasangweni akhe ngokubonga,

nasemagcekeni akhe ngokudumisa;

mbongeni, nibusise igama lakhe.

₅Ngokuba muhle uJehova;

umusa wakhe umi phakade,

nokuthembeka kwakhe ezizukulwaneni ngezizukulwane.

₁Ndodana yami, ungakhohlwa umthetho wami,

kepha inhliziyo yakho mayigcine imiyalo yami,

₂ngokuba iyakwenezela kuwe

ubude bezinsuku,

neminyaka yokuphila, nokuthula.

₃Isihhe neqiniso makungakushiyi;

kubophe entanyeni yakho,

ukulobe esibhebheni senhliziyo yakho,

₄ukuze uthole umusa nodumo oluhle emehlweni kaNkulunkulu nabantu.

₁Zwanini, madodana ami, ukulaya kukayise,

nilalele, ukuze nazi ukuqonda.

₂Ngokuba ngiyaninika izifundiso ezinhle;

ningawushiyi umthetho wami.

₃Ngokuba ngangiyindodana kubaba,

ethambileyo neyodwa emehlweni kamame.

₄Wangifundisa, wathi kimi:

“Inhliziyo yakho mayibambe amazwi ami;

gcina imiyalo yami, uphile.

₅Zuza ukuhlakanipha, zuza ukuqonda;

ungakhohlwa, ungachezuki emazwini omlomo wami;

₁₃Bambelela ekulayweni, ungakuyeki;

kulonde,

ngokuba kungukuphila kwakho.