Umhlahlandlela Wokuphila – Day 6
Uyini umbono wami namagugu?
Uma sifuna ukuba njengoKhristu, njengoba esicela ukuba sibe njalo, amagugu wethu ayobonakala ngendlela esiphila ngayo. Ekugcineni amagugu esikholelwa kuwo akukhona okufanele kwenziwe noma kungenziwa. Kuwukusebenzela ukufana noKhristu kukho konke esikwenzayo.
Um(Imi)bhalo weBhayibheli
NgokukaLuka 6
NgokukaJohane 15
KwabaseRoma 12
NgokukaJohane 14
NgokukaLuka 16
– UKhristu njengesibonelo kimi
Noma ngabe yini okholelwa kuyo noma ngabe ulandela bani, lokho kuzoveza ubunjalo bezinkolelo zakho, amagugu kanye nendlela yokuziphatha. Njengamakholwa, amagugu wethu aboshelwe ekuthobeleni uKhristu. Bumbekani ngomfanekiso kaKhristu – hhayi ozakwenu, abazali, labo osebenza nabo noma usikompilo ophila kulo.
– Iqiniso libalulekile
Uma uKhristu eyiqiniso, ngakho-ke kuyachaza ukuthi ukuqamba amanga nokungathembeki kuyakwehlukanisa noKhristu. Ukwethembeka kuwukulandela ezinyathelweni zika Jesu, ngoba Akawaqambi amanga. Ukufunda ukwethembeka okungaphezulu kuyokusiza ukukugcina unonembeza ohlanzekile.
– Amagugu obuKhristu ngaphansi kwebhayithi
Ukucaca kangcono kwakho kulokho okholelwa kukho, kwenza kubelula kakhudlwana ukuletha iziqalongqangi zakho zihambisane nemigomo okholelwa kuyo. UPawula ufingqa indlela yokuphila yamakholwa esusela ezimfundisweni zika Khristu kanje:
Uthando malungabi nakuzenzisa; nyanyani okubi, nibambelele kokuhle. Thandanani ngokujulile ngothando lobuzalwane; nindulelane ekuhloniphaneni, ekukhuthaleni, ningabi ngamavila; nivuthe emoyeni, nikhonze iNkosi; ethembeni nithokoze, osizini nibekezele, nasekukhulekeni ningaphezi, nifune njalo ukuhlanganyela ekusweleni kwabangcwele, nisize nabayizihambi. Babusiseni abanihluphayo; busisani, ningaqalekisi. Thokozani nabathokozayo, nikhale nabakhalayo. Nibe mqondo munye, nicabangelane ngokufanayo; ningazikhukhumezi, kodwa zihlanganiseni nabathobekileyo. Ningazishayi abahlakaniphileyo. Ningaphindisi okubi ngokubi, khuthalelani ukwenza okuhle phambi kwabantu bonke. Uma kungenzeka, hlalani ngokuthula nabantu bonke.
– Mayelana neMiyalelo Elishumi?
Imiyalelo emine yokuqala iyasiqondisa ukuthi kumele simthande kanjani uNkulunkulu, kanti eyokugcina eyisithupha isiqondisa ngokuthanda abanye.
UJesu ukhuluma ngemithetho bese egqamisa ukusetshenziswa kwayo ekufundiseni kwakhe. Akagxeki ukubulala nje kuphela, uxwayisa abalandeli bakhe ukuba babone ukuthi ulaka olungaxazululiwe nalo lucekela abanye phansi. Akanqabeli ukuphinga nje kuphela, kodwa uxwayisa abalandeli bakhe ukuba babe msulwa engqondweni nase nhliziyweni.