Ihubo 100

₁Hlokoma kuJehova ngezwi lokuhalalisa,

mhlaba wonke.

₂Mkhonzeni uJehova ngokujabula,

nisondele ebusweni bakhe ngokuhuba kwentokozo.

₃Yazini ukuthi uJehova unguNkulunkulu;

nguye osenzileyo, akuthina,

sibe ngabantu bakhe nezimvu zedlelo lakhe.

₄Ngenani emasangweni akhe ngokubonga,

nasemagcekeni akhe ngokudumisa;

mbongeni, nibusise igama lakhe.

₅Ngokuba muhle uJehova;

umusa wakhe umi phakade,

nokuthembeka kwakhe ezizukulwaneni ngezizukulwane.