Emsebenzini noThixo – Usuku 8

Zinike ixesha lokuphumla.

Itekisi yeBhayibhile

EYEZIQALO 2

₁Aba ke ngoko agqityiwe ukudalwa amazulu nehlabathi liphela. ₂Ngomhla wesixhenxe uThixo wayeselekugqibile konke awayekwenza, waza ke waphumla. ₃Wawuthamsanqelisa umhla wesixhenxe, wawumisa wangumhla okhethekileyo, kuba ngaloo mhla wayeselegqibile ukudala.

EYEZIQALO 2:1-3XHO96Vula kumfundi weBhayibhile

EYEMFUDUKO 23

₁₂“Sebenza iintsuku zibe ntandathu, kodwa ngolwesixhenxe ungawuphathi umsebenzi, ukuze izicaka nababhaceli ngokunjalo nemfuyo yakho ifumane ikhefu ihlaziyeke.

EYEMFUDUKO 23:12XHO96Vula kumfundi weBhayibhile

EYEMFUDUKO 34

₂₁“Iintsuku ezintandathu evekini zezokwenza wonke umsebenzi wenu. Kodwa ke ngosuku lwesixhenxe ze niphumle; nditsho nkqu nangamaxesha okulima nokuvuna.

EYEMFUDUKO 34:21XHO96Vula kumfundi weBhayibhile

EYEMFUDUKO 20

₈“Hlala uwukhumbula *uMhla wokuPhumla, uwugcine ulusuku olulodwa lukaNdikhoyo. ₉Sebenza imihla emithandathu, uwenze wonke umsebenzi wakho. ₁₀Ke wona umhla wesixhenxe lusuku lwam olulodwa lokuphumla. Ngoko ke makungabikho mntu usebenzayo ngalo mhla; nditsho nawe, umntwana wakho, nesicaka sakho, nemfuyo yakho, ngokunjalo nomngeneleli ohlala phakathi kwenu. ₁₁Kaloku mna Ndikhoyo ndênza umhlaba, nesibhakabhaka, nolwandle, nako konke okulapho kwezo zinto, ngeentsuku ezintandathu, ndaza ke ndaphumla ngomhla wesixhenxe. Ngenxa yaloo nto ke lo mhla ndawukhetha ukuze ube lusuku olulodwa lokuphumla.

EYEMFUDUKO 20:8-11XHO96Vula kumfundi weBhayibhile

Kwimo yomsebenzi yezi ntsuku enokhuphiswano oluninzi ungazibona usebenza nzima kakhulu, uhlale uleqeka emva komsebenzi ongapheliyo. Xa usenza njalo, uzivimba ukuphumla, de ube nesazela xa ungasebenzi.

Isingqi sokusebenza, umane uphumla, samiselwa nguThixo xa wayedala ihlabathi. Ngokuzivumela ukuba uphumle, uthathela ingqalelo into yokuba awulokhoboka lomsebenzi.

Abo bangasithatheli ngqalelo esi siseko, ábasoloko benemveliso ephezulu. UThixo wasibekela umzekelo emasiwulandele.

Izixhobo ZeBhayibhile

Malunga neBhayibhile

Isishwankathelo seBhayibhile (en)

I-BibleSA app

IiBhayibhile

Ngathi (en)

Ivenkile yeBhayibhile (en)

IBhayibhile Yonke Imihla

Izixhobo Ezongezelelweyo ZeBhayibhile (en)

Iindaba ZeBhayibhile (en)

Umibuzo yeBhayibhile (en)

Izicwangciso Zokufunda

Ivesi-ngosuku (en)

Izixhobo zeCawa

INcwadi yeZibhalo Ezingcwele yeCawa (en)

Ulwandlalo lweNtshumayelo (en)

Umoya kaThixo phakathi kwamaphepha (en)

Umboniso weSoftware (en)

Izikhokelo Zomsebenzisi

Malunga neBibleSA

FAQ (en)