Tšwela pele ka ntle le poifo – Letšatši la 3

Ekaba e sa le wa leka go aga ntlo ya ditena ka ntle le samente? Goba go paka khekhe ka ntle le lerojana la go paka? Ditena tša ntlo di ka hlophiwa mmogo, eupša ka ntle le samente di tla wa ge motho a ka di thula. Go no ba bjalo ka go paka khekhe. O ka ba le ditswaki tša maleba, eupša ka ntle le lerojana la go paka, khekhe e ka se kokomoge gomme e ka se be khekhe gomme e ka se direge.

Maphelong a rena, khutšo e ka bapetšwa le samente goba lerojana la go paka. Go se be le khutšo go tlo re dira gore se šome gabotse mošomong wa rena wa letšatši le letšatši. Go e na le boikwelo bjo bja ka mehla bja go rakedišwa ke motho goba selo, re felela pelo gabonolo bao ba lego kgauswi le rena ge re leka go dira dipheto tša maleba. Bjalo ka ge ditena di phuhlama ka ntle le samente le khekhe e sa direge botse ka ntle le lerojana la go paka, dilo maphelong a rena di tlo phuhlama le go palela ka ntle le khutšo.

Re lahlegelwa bjang ke khutšo ya rena? Go direga gabonolo. Go fa mohlala, mootledi yo a otlelago ka go nanya pele ga gago ka gare ga sephethephethe sa dikoloi mola wena o itlhaganetše, tirelo ye mpe ge o le sethakga goba mošomi-go-tee wa go hloka mekgwa mošomong. Tsela ye nngwe ya go lahlegelwa ke khutšo ka pela ke go thoma go balabala ka bothata bophelong bja gago bjo o ka se dirego selo ka bjona le go letela se sebe go direga. Mehlala ye ka moka ke fela melaba ya lenaba go re dira gore re lahlegelwe ke khutšo ya rena.

Re e hwetša bjang gape khutšo ya rena? Paulose o ngwetše go Bafilipi 4:6-7: “Le se balabale ka selo; sengwe le sengwe se le se nyakago le se kgopele go Modimo ka moya wa thapelo le tebogo. Ke mo Modimo a tlago le phefiša go ja pelo le go tshwenyega le le ba Kriste Jesu, mo e lego gore ga go motho yo a kago kwešiša.” Go Numeri 6:26 re bala gore: “Morena a go lebelele ka botho, mme a go fe khutšo.” Gomme go 2 Bathesalonika 3:16 re bala gore: “Yena Morena wa khutšo a fele a le fa khutšo le ka mekgwa yohle. Morena a be le lena ka moka.”

Ekaba o itemogela khutšo pelong ya gago goba o ikwa o rakedišwa goba go selekega? Bea lerojana la go paka le samente lefelong la tšona ka go dira khutšo selo se se tlago pele bophelong bja gago. Thoma go bolela le Modimo mabapi le dilo tše di dirago gore o balabale le matshwenyego a gago le go kgopela Yena go tlatša pelo ya gago ka khutšo ye e fetago kwešišo. Ke a go netefaletša – letšatši la gago le tla ba le lebotse ka khutšo pelong ya gago. Modimo a go šegofatše.