To The Word – Day 226

₁Retang Morena,

retang leina la Morena!

Mo reteng,

lena bahlanka ba gagwe,

₂lena le letetšego ka ntlong ya gagwe,

ka dikgorong tša Tempele ya yena Modimo wa rena!

₃Retang Morena,

gobane ke yo botho;

mo opeleleng ditumišo,

gobane o lokile.

₄O ikgethetše Baisraele,

ditlogolo tša Jakobo,

ya ba lefa la gagwe.

₅Ruri, nna ke tseba ge e le yo mogolo;

Mong wa rena o feta medimo yohle.

₆O dira se a se ratago legodimong le lefaseng,

ka lewatleng le ka madibeng a lona.

₇Ke yena a hlomago maru kua bogomapono,

o neša pula ya dikgadima,

o fokiša phefo go tšwa mo a e bolokago gona.

₈Ke yena wa go gagara maitšibolo a Egepeta,

a batho le a diruiwa.

₉Ke gona mo a dirilego mehlolo le dimakatšo

tša go otla kgoši le bahlankedi bohle ba yona.

₁₀A gagara ditšhaba tše dintši,

a bolaya le magoši a maatla.

₁₁Ke bona boSihone, kgoši ya Baamore,

le Ogo, kgoši ya Bashane,

le magoši ohle a Kanana.

₁₂Naga tša bona a di abela Baisraele,

tšhaba sa gagwe,

ya ba lefa la bona.

₁₃Morena, ke wena wa go sa felego;

o tumile go ya go ile.

₁₄Morena o dira tšhaba sa gagwe ka toka,

o šokela bahlanka ba ba gagwe.

₁₅Medingwana ya baditšhaba ke ya silibera le ya gauta;

ke ya go bopša ke batho ka diatla.

₁₆E na le melomo, fela ga e bolele;

e na le mahlo, fela ga e bone.

₁₇E na le ditsebe, eupša ga e kwe;

go hema le gona ga e heme.

₁₈Babopi ba yona ba tla swana nayo,

le bohle ba ba e botilego.

₁₉Lena tšhaba sa Israele,

retang Morena!

Lena lešika la Arone,

retang Morena!

₂₀Lena lešika la Lefi,

retang Morena!

Lena ba go boifa Morena,

mo reteng!

₂₁Mo Sione a go retwe Morena,

yena wa go dula Jerusalema.

Retang Morena!

₁Lebogang Morena,

gobane ke yo botho,

gobane lerato la gagwe ke la go ya go ile.

₂Lebogang Modimo wa medimo,

gobane lerato la gagwe ke la go ya go ile.

₃Lebogang Morena wa marena,

gobane lerato la gagwe ke la go ya go ile.

₄Ke yena fela a dirago mehlolomegolo,

gobane lerato la gagwe ke la go ya go ile.

₅O dirile magodimo ka tlhaologanyo,

gobane lerato la gagwe ke la go ya go ile.

₆O adile lefase godimo ga phamphamadiba,

gobane lerato la gagwe ke la go ya go ile.

₇O dirile dietša tše dikgolo,

gobane lerato la gagwe ke la go ya go ile.

₈Letšatši a le direla go bonega mosegare,

gobane lerato la gagwe ke la go ya go ile.

₉Ngwedi le dinaledi ya ba tša go bonega bošego,

gobane lerato la gagwe ke la go ya go ile.

₁₀O otlile Baegepeta ka go ba bolaela maitšibolo,

gobane lerato la gagwe ke la go ya go ile.

₁₁A huduša Baisraele mo go bona,

gobane lerato la gagwe ke la go ya go ile.

₁₂A ba ntšha ka seatla se maatla le ka letsogo le le tiilego,

gobane lerato la gagwe ke la go ya go ile.

₁₃A arola Lewatle la Mahlaka ka bogare,

gobane lerato la gagwe ke la go ya go ile.

₁₄A fetiša Baisraele gare ga lona,

gobane lerato la gagwe ke la go ya go ile.

₁₅A wetša kgoši ya Egepeta le madira a gagwe ka go lona,

gobane lerato la gagwe ke la go ya go ile.

₁₆A hlahla tšhaba sa gagwe go putla lešoka,

gobane lerato la gagwe ke la go ya go ile.

₁₇A gagara dikgoši tše dikgolo,

gobane lerato la gagwe ke la go ya go ile.

₁₈A bolaya magoši a go tuma,

gobane lerato la gagwe ke la go ya go ile.

₁₉Ke bona boSihone, kgoši ya Baamore,

gobane lerato la gagwe ke la go ya go ile,

₂₀le boOgo, kgoši ya Bashane,

gobane lerato la gagwe ke la go ya go ile.

₂₁Naga tša bona a di abela Baisraele,

bahlanka ba gagwe,

gobane lerato la gagwe ke la go ya go ile.

₂₂Ya ba lefa la bona,

gobane lerato la gagwe ke la go ya go ile.

₂₃O re gopotše re le banyatšegi,

gobane lerato la gagwe ke la go ya go ile.

₂₄A re phamola manabeng a rena,

gobane lerato la gagwe ke la go ya go ile.

₂₅O fepa diphedi tšohle ka dijo,

gobane lerato la gagwe ke la go ya go ile.

₂₆Lebogang Modimo wa legodimong,

gobane lerato la gagwe ke la go ya go ile.

₁Dinokeng tša Babilone ke mo re bego re dula gona,

re lla ge re gopola Sione.

₂Mepopolireng ya gona ke mo re bego re fega dikgapa tša rena.

₃Gona moo ke mo bathopi ba rena ba bego ba re re ba opelele sefela;

bathopi bao ba rena ba re re ba thabiše,

ba re: “Re opeleleng sefela sa Sione.”

₄Na re ka napa ra opela sefela sa Morena nageng e šele?

₅Ge eba nka go lebala, wena Jerusalema,

gona ke hwe letsogo la go ja.

₆Leleme la ka le nkgomarele magalapa,

ge eba nka go lebala,

ke ra ge eba e se wena o nthabišago go feta tšohle.

₇Morena,

gopola Baedomo mola ba thopa Jerusalema ba re:

“E kgerešeng!

E kgerešeng go fihla ka metheo!”

₈Wena motse wa Babilone,

o lebanwego ke go kgerešwa,

go lehlogonolo yo a go lefetšago se o re dirilego sona.

₉Go lehlogonolo yo a tlago go phamola masea a gago,

a a pšhatlaganya leswikeng.