Go sepela le Modimo – Letšatši la 5

Ke moo Kgoši Joshafate a obamilego, gomme batho ka moka ba obama mme ba rapela Morena … Ge Joshafate a boledišane le batho, a laela baopedi ba bangwe gore ba apare diaparo tše ba bego ba di apara menyayeng ye mekgethwa, le gore ba ete madira pele ba opele ba re: “Retang Morena! Lerato la gagwe ke la neng le neng!” 2 Dikronika 20:18,21

Seswantšho se kgomago pelo: moetapele le setšhaba sa gagwe ba inamišitše difahlego ka boineelo bjo bo feletšego go Modimo letšatši pele ga ntwa; ba bile le leano le lebotse kudu la ntwa. Nagana madira a eya ntweng ba sa swara dibetša eupša khwaere e ba etile pele, ba opela sefela sa Haleluya! Bibele e re ka Jeshofate, “A fišegela go phetha thato ya Morena …” (2 Dikronika 17:6), gomme a dumela le go obamela ditaelo tša Gagwe ka moka.

Jeshofate o latetše Modimo ka potego gomme go tloga ka nako ye a bago kgoši, o šomme ka thata go fetoša naga. O hlomile lenaneo la thuto ya sedumedi la bosetšhaba go tlwaetša gape batho melao ya Modimo le go tšea magato go fediša mafelo a go khunamela medingwana; o hlomile sestemo ye e tseneletšego ya semolao le go bea baahlodi bao a ba rutilego, a ba laya ka gore, “Le boifeng Morena gomme le šomeng ka tlhokomelo, ka gobane Morena Modimo wa rena ga a kgotlelele ge toka e kgopamišwa, ge batho ba kgethologanywa, goba ge ba amogela tsogolekobong.” (2 Dikronika 19:7)

Jesu o lemošitše barutiwa ba gagwe gore mo lefaseng le ba tla ba la mathata, eupša ba sa belaele ka gobane o fentše lefase (Johanese 16:33). Jeshofate gape o itemogetše gore go ba molatedi yo a ikgafilego wa Modimo go be go sa hlaloše bophelo bja go se be le mathata, eupša a mo tshepha ka mo go feletšego. Ka gona, karabo ya gagwe le semeetseng e bile go tsebagatša go itima dijo Juda ka moka go rapela go Morena, go ba phološa manabeng a bona.

Se se ile sa hlompha Modimo.

Bjalo ka setšhaba, ba ikokobeditše pele ga gagwe le go ipolela go bota yena ka mo go feletšego. Ba tsepeletše go maatla a feletšego a Modimo go se go bofokodi bja motho. Gomme, ba bontšhitše tumelo ya bona go yena ka go latela ditaelo tša gagwe ka potego. Seo ke se ba bego ba hloka go se dira.

Ge ba mo tumiša “ka letago la bokgethwa bja gagwe”, Modimo o ba lwetše ntwa. O gakantšhitše manaba moo ba ilego ba feleletša ba bolayana. Ge madira a Juda a fihla, a hweditše ditopo gomme ba tšea dithebola. Modimo o šomile ka maatla moo e lego gore Jeshofate o bile le khutšo mmušong wa gagwe bophelo bja gagwe ka moka, ka ge “Setšhaba se sengwe le se sengwe se se ilego sa kwa gore Morena o fentše manaba a Israele se ile sa tšhoga …” (2 Dikronika 20:29).