Bea tumelo ya gago go yena – Letšatši la 9

Se ke se šiago ke gore le ka senywa megopolo la ba la se sa botegela Kriste gabotse, la etša Efa mola a tla forwa ke noga ka mahlajana a yona. Gobane ge motho yo mongwe a etla a le ruta tša Jesu tše di fapanago le tše le di rutilwego ke rena le mo kgotlelela gabotse. Le amogela moya go yena wo le sa kago la o amogela go rena. Le gona le amogela Ebangedi ye a e begago ye e fapanago le ye le e amogetšego go rena. 2 Bakorinte 11:3-4

Go dikgaolo tša mafelelo tša Bakorinte wa Bobedi, Paulose o bolela ka ye nnwge ya matšhošetši a kotsi kudu go kereke le ge e le efe kae goba kae – go fedišwa ga kereke go tšwa ka gare, ke baruti bao ba sa bolelego nnete.

Re a e bona lehono ka bareri ba ba holofetšago katlego, gantši ka dilo tša materiale, go bao ba latelago Jesu. Thuto ye ya maaka ga e lokišetše batho go nnete ya go phela lefaseng le le welego le tlhoko ya go kgotlelela go tshepo le potego.

Ke ka lebaka leo tsepelelo ya bodiredi bja Paulose kua Korinte, bjalo ka go motse o mongwe le o mongwe, e bile Jesu – Jesu fela. Go bonolo go lahlegelwa ke Jesu le go swarega ka ditiro tša Bokriste le bophelo bja bodumedi. A ka go lahlegelwa dikgatellong tša bophelo bja letšatši le letšatši. O ka swarega kudu, wa belaela ka wena le dilo tše di diregago go wena, mo o lahlegelwago ke kelelo ya gore Kriste o na le wena le gore o lekane. Se ke bonolo bjo bobotse bjo bo lego go Jesu.

Kereke ya kua Korinte e be e akaretšwa go mehuta ka moka ya difilosofi tša go kgahliša le ngangišano ya tlhaologanyo ye ka go se šetše e bego e theile go lentšu la Modimo, eupša yeo e bego e fapogile le go se tsepelele go Kriste.

Tsela ya go efoga go swarwa ka molaba lefaseng le le tletšego phoro lehono, ke ye bonolo: e ba kgauswi le Jesu. E ba le bonolo bjo bo lego go Kriste. Sepela kgauswi kudu le Morwa wa Modimo ka boyena. Letšatši le letšatši.