Bea tumelo ya gago go yena – Letšatši la 8
Se ineele
(Di)temana ya Bibele
2 BAKORINTE 4
Go phela ka tumelo
Ke ka lebaka la tšona taba tše ge re sa lape. Le ge mebele ya rena e hlagala, re tielela pelong letšatši ka letšatši. Gomme ditlaišego tše dinyenyane tša lebakanyana tše re di kwago tše, di tla re tlišetša letago la go ya go ile, le le fetago dilo tšohle. Gobane re lebeletše tše di sa bonwego, e sego tše di bonwago. Gape tše di bonwago ke tša lebakanyana fela, kganthe tše di sa bonwego tšona ke tša go ya go ile. 2 Bakorinte 4:16-18
Ge re se no belegwa, re thoma go hwa. Ga se kgopolo e thabišago ya letšatši la gago, eupša ke nnete. Ka moka ga rena re a senyega mmeleng, go sa šetšwe gore o ikwa o na le mafolofolo bjang.
Le ge go le bjalo, Paulose ga se a itokolla go tlhophego le go batamela lehu, le rena ga re a swanela go dira seo. Ga a re dilo ka moka di rulagantšwe e sa le pele mo, o re gopotša gore bjalo ka badumedi go Jesu Kriste, go na le se segolo kudu se se diregago.
Modimo ga a go kgopele gore o swaragane le bohloko eka ke lethabo, eupša go bona mathata a gago lefaseng ka tsela ya letago la legodimong gomme, ka go realo, o maatlafatšwa go kgotlelela.
Ge re lebelela mathata a rena ka pono ya go ya go ile, re a bona ka tsela ye a lego ka gona. Mebele ya rena e ka felela ke maatla, eupša, ka gare, re gola ka maatla a semoya.
Ela hloko tswalano magareng ga temana ya 16 le ya 18; phetogo ye ya ka gare le ge re senyega ka ntle ga e itiragalele. Ka mantšu a mangwe, mpshafatšo ye Paulose a e hlalošago e direga fela ge re le gare re “lebeletše tše di sa bonwego, e sego tše di bonwago. Gape tše di bonwago ke tša lebakanyana fela, kganthe tše di sa bonwego tšona ke tša go ya go ile”.
Ge re lebeletša dipelo tša rena go kholofelo ya letago ya nakong ye tlago, Modimo o mpshafatša motho wa ka gare, ka ntle le go thibela go senyega ga rena ga ka ntle! Ela hloko gore se ga se ponagalo ya nakwana goba kgopolo ye e fetago mabapi le letago la go ya go ile; Paulose o bolela ka tsepelelo ya tlhokomelo le ya go ithuta go ditšhegofatšo tše di ka lekanyetšwago tša legodimo.
Paulose o lemoša kgahlanong le go tsepelela go se lefase le le kago go re neela sona le go re bitša go bea kholofelo ya rena go ditekanyetšo tša go ya go ile tša mmušo wa Modimo.
Mo, ka gona, ke maatla a go kgotlelela: ka go bea monagano wa gago, o lebeletše le go tsepeletša pelo ya gago go tše di sa bonwego, le ge go le bjalo, dinnete tša go ya go ile tša se Modimo a go beetšego tšona go Kriste.
