Saam met God by die werk – Dag 10
Aanvaar jou sosiale verantwoordelikheid.
Bybelteks(te)
Rykdom en voorspoed is nie doelwitte op sigself nie. Volgens die Bybel seën God ons sodat ons – nadat ons in ons eie basiese behoeftes voorsien het – meer sal hê om in ander se behoeftes te voorsien. God plaas die armes, die weeskinders, die weduwees en die vreemdelinge in ons sorg.
Hy sal ons geloof beoordeel aan ons optrede teenoor mense soos hulle. Sosiale verantwoordelikheid is nie net daar om ons openbare beeld te bevorder nie; dis ‘n vereiste vir ware en opregte diens aan God.