Bible Society of South Africa
Leesplanne
Oorlog en vrede
Oorlog en vrede – Dag 6

Oorlog en vrede – Dag 6

Ewige vrede

Bybelteks(te)

JESAJA 9

1Die volk wat in donkerte geleef het, het 'n groot lig gesien, oor dié wat in die donker land was, het 'n lig geskyn.

2U het dié wat nie meer 'n nasie was nie, baie gemaak,

hulle blydskap groot gemaak.

Hulle het hulle in u teenwoordigheid verbly

soos mense bly is in die oestyd,

soos hulle juig wanneer hulle die buit verdeel.

3Soos die dag toe Midian verslaan is,

het U die juk verbreek wat op die volk gedruk het,

die stok waarmee hulle geslaan is, waarmee hulle gedryf is.

4Elke soldateskoen wat in die oorlog gebruik is,

en elke uniform wat met bloed bevlek is, sal verbrand word,

deur die vuur verteer word.

5Vir ons is 'n Seun gebore,

aan ons is 'n Seun gegee;

Hy sal heers, en Hy sal genoem word:

Wonderbare Raadsman,

Magtige God,

Ewige Vader,

Vredevors.

6Sy heerskappy sal uitbrei, en Hy sal vir altyd vrede en voorspoed bring. Hy sal op die troon van Dawid sit en oor sy koninkryk regeer. Hy sal dié koninkryk vestig en in stand hou deur reg en geregtigheid, van nou af en vir altyd. Daarvoor sal die onverdeelde trou van die Here die Almagtige sorg.

JESAJA 9:1-6AFR83Maak oop in die Bybelleser

Soos die profeet Jeremia, uit gister se dagstukkie, skets die profeet Jesaja ʼn prentjie van hoop. Die volk van God het deur ʼn moeilike tyd gegaan, maar Hy het die laste van die mense verlig. Die geweld wat hulle in die gesig gestaar het, het tot ʼn einde gekom. God maak die grootste belofte: Daar sal ʼn koning kom wat vrede en geregtigheid tot stand sal bring. Hy word Vredevors genoem, en daar sal geen einde aan sy vrede wees nie. Dit is die perspektief wat Jesaja bied, selfs vandag. Oorlog en geweld sal verbygaan en God sal ewige vrede voorsien.

Die koning wat God belowe word vier name genoem: Wonderbare Raadgewer, Magtige God, Ewige Vader, en Vredevors.

Kan jy dink wat elke naam oor God en oor die beloofde koning sê?

Bible Society of South Africav.4.26.9
VOLG ONS