Bible Society of South Africa
Leesplanne
Oorlog en vrede
Oorlog en vrede – Dag 5

Oorlog en vrede – Dag 5

Troos en hoop

Bybelteks(te)

JEREMIA 31

15So sê die Here:

'n Gekerm word op Rama gehoor,

'n gehuil vol hartseer:

Ragel treur oor haar kinders,

sy wil haar nie laat troos nie,

want haar kinders is weg.

16So sê die Here: Bly stil, moenie huil nie,

moenie trane in jou oë hê nie!

Vir al jou swaarkry sal jy vergoed word,

sê die Here,

jou kinders sal uit die vyand se land terugkom.

17Daar is 'n toekoms vir jou nageslag, sê die Here,

jou kinders sal na hulle besitting toe terugkom.

JEREMIA 31:15-17AFR83Maak oop in die Bybelleser

In die boek Jeremia kondig die profeet Jeremia rampspoed oor die volk van God aan. Hulle sal gevange geneem en weggevoer word na Babilonië. Tog is daar ook hoop. Jeremia verwys na Ragel, die vrou van Jakob en die moeder van Josef en Benjamin. Sy het gesterf toe Benjamin gebore is (Genesis 35:16-20). Hier, honderde jare later, speel sy weer ʼn rol. Sy huil oor haar nageslag, die volk van God. Maar God is ʼn vertroostende God. Hy troos Ragel en haar kinders en bied vir hulle ʼn hoopvolle toekoms. Op hierdie manier gee God perspektief te midde van geweld en lyding. Dit is vandag steeds relevant. Selfs nou het ons God se vertroosting en hoop nodig.

In die Bybel lees ons dat baie van God se mense gesterf het as gevolg van onderdrukking en oorlogsgeweld. Dit veroorsaak baie hartseer. Tog gee God hier erkenning aan en vertroosting vir daardie hartseer. God openbaar Homself as ʼn God wat omgee en naby sy mense wil wees.

Wat beteken dit vir jou geloofslewe?

Bible Society of South Africav.4.26.9
VOLG ONS