Lewenswysheid – Dag 18

₃₂Moenie aanstoot gee nie, nie aan Jode of aan Grieke of aan die gemeente van God nie. ₃₃Maak soos ek: ek probeer om almal in alles tegemoet te kom. Ek soek nie my eie belang nie maar dié van baie ander, sodat hulle gered kan word.

₂₁Wees uit eerbied vir Christus aan mekaar onderdanig.

₉Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel. ₁₀Solank ons die geleentheid het, moet ons dus aan almal goed doen, veral aan ons medegelowiges.

₅Tree met wysheid op teenoor die mense wat nog buite die gemeente is. Maak die beste gebruik van elke geleentheid. ₆Wat julle sê, moet altyd vriendelik wees en van goeie smaak getuig; en julle moet weet hoe julle elkeen behoort te antwoord.

₁₆Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.”

₂₂Julle moet doen wat die woord sê en dit nie net aanhoor nie, anders bedrieg julle julleself.

₁₀Daarom, broers, moet julle julle des te meer daarvoor beywer om deur julle lewe te bewys dat God julle geroep en verkies het. As julle hierdie dinge doen, sal julle nooit struikel nie.

₁₈Liewe kinders, ons liefde moenie net woorde en lippetaal wees nie, maar moet met die daad bewys word, en dan in opregtheid. ₁₉Hierdeur kan ons ook te wete kom dat ons aan die ware God behoort en kan ons ons gewete voor Hom tot rus bring.