Jesus – Dag 11
Jesus: Die brood van die lewe.
Bybelteks(te)
JOHANNES 6
JOHANNES 6
1 KONINGS 19
MATTEUS 4
Een van die aangenaamste geure denkbaar is die geur van varsgebakte brood, veral op ‘n koue dag. Ons het oorkant ‘n bakkery gewoon en dit was wonderlik om by die huis uit te loop en die warm, aangename geure wat in die lug aangesweef het, in te asem. Dit was aangenaam net om dit te ruik! Maar sou daardie geure die hongerpyne selfs vir net ‘n minuut kon stil? ‘n Mens het die brood nodig om die honger te stil.
In hierdie gedeelte leer Jesus die skare nadat hy vyf duisend mans (vroue en kinders uitgesluit) met vyf klein garsbroodjies en twee vissies gevoed het en daar nog twaalf mandjies vol oorskiet was. Die mense was verwonderd, maar het egter nie die belangrikheid van hierdie wonderteken verstaan nie. Hierdie wonderteken moes hulle in die rigting van die waarheid gewys het: Jesus het van God gekom en Hy kon aan hulle die ewige lewe gee. Instede van hierdie waarheid het hulle Hom egter net gesien as iemand wat hulle fisiese honger kon bevredig, sonder om die dieper waarheid dat Hy hulle geestelike honger kon stil, raak te sien. Moses het dieselfde met die Israeliete beleef met die manna wat God voorsien het. Hulle het ook nie meer raakgesien as net iets wat in hulle fisiese behoeftes voorsien het nie. Sou ons anders as hulle opgetree het? Verskil ons tans enigsins van hulle?
Is dit nie waar dat ons almal geneig is om ons meer oor ons fisiese behoeftes te bekommer en ons geestelike behoeftes te verwaarloos of te ignoreer nie? Is fisiese honger knaender as geestelike honger of erken ons net nie die tekens so maklik nie want ons is onverskillig teenoor geestelike sake? Ons sien die fisiese behoeftes gouer raak as wat ons die geestelike behoeftes waarneem. Ons ore word dikwels gevul met die geraas van die wêreld en dit verhoed dat ons God se stem soos ‘n “fluistering in die wind” kan hoor. (1 Konings 19:12) Selfs mense wat geestelik ingestel is, vergeet soms dat “’n Mens leef nie net van brood nie maar van elke woord wat uit die mond van God kom.” (Matteus 4:4) en hulle stry voortdurend teen fisiese versoekings eerder as om hulleself met die Woord van God te bewapen.
Jesus het gekom om al jou behoeftes te bevredig, Hoe geestelik honger is jy?
