Skaapkraal
Wanneer dit aand geword het, het die herder sy kudde na die skaapkraal gebring. Daar is die skape en bokke teen wilde diere, die koue en rowers beskerm.
Dubbele omheining
Skaapkrale is gewoonlik in ʼn vallei of aan die sonkant van ʼn heuwel gebou waar daar skuiling teen die koue wind was. Die skaapkraal het uit ʼn lae gebou met openinge in die vorm van gewels bestaan. ʼn Klipheining is rondom gebou. Wanneer die weer weer gematig was, kon die skape in die omheinde deel bly, maar wanneer die weer guur was, het die herder die skape by die gebou ingelaat.
Sonder ʼn deur
Die kamp is uit klippe, wat losweg bo-op mekaar gestapel is, gebou. Aan die buitekant van die muur is groot klippe gebruik, met kleiner klippe aan die binnekant. Aan die onderkant was die muur omtrent ʼn meter dik, maar dit het smaller geword na die bokant. Bo-op die muur was daar doringtakke om indringers weg te hou.
Daar was geen deur by die ingang na die kamp nie. Snags het die herder voor die ingang gelê om dit te blokkeer. In Johannes 10:7-9
Tydelike skaapkraal
Wanneer ʼn herder net vir ʼn kort tydjie in ʼn spesifieke gebied, ver van die huis af of in bergagtige gebiede gebly het, het hy soms ʼn tydelike skaapkraal gebou. Hiervoor het hy ʼn omheining met doringboomtakke gevleg, of ʼn raamwerk van dik takke gemaak.
Verwante Bybelgedeeltes
NUMERI 32.16 - NUMERI 32.36 JEREMIA 50.6 PSALMS 68.14 PSALMS 78.70 SEFANJA 2.6 RIGTERS 5.16 JOHANNES 10.1 - JOHANNES 10.10Lees verder?
Met ʼn gratis BibleSA-rekening kan jy: