1 Samuel

In 1 Samuel lees ons van die profeet Samuel, koning Saul wat die eerste koning van Israel is, en die opkoms van koning Dawid. 1 en 2 Samuel vorm ʼn aaneenlopende verhaal, maar in Bybels is die verhaal oor twee boeke versprei en selfs verder in 1 en 2 Konings voortgesit.

1 Samuel het sy naam te danke aan een van die hoofkarakters van die verhaal, die profeet Samuel. Hy was die laaste persoon wat leiding geneem het in Israel as ʼn rigter. Op hierdie manier toon hy die oorgang aan van die rigtertydperk na dié van die konings.

In 1 Samuel is daar verskeie temas wat met mekaar verband hou:

Die verhale in 1 en 2 Samuel is ʼn kombinasie van vertelkuns en geskiedskrywing. Dit kan gesien word as ʼn hoogtepunt in bybelse literatuur.

Die ondervindings van die verskillende karakters word in verskeie tonele aangebied en met mekaar gekontrasteer. ʼn Groot deel van die storielyn ontwikkel in lewendige, lewensgetroue dialoë. Anders as by 1 Konings en 2 Konings word byna geen kommentaar deur die verteller op gebeure gelewer nie. Dit word aan die lesers oorgelaat om hulle eie oordeel te vel. 

Die verhale word afgewissel met liedere, gebede en lyste.

Op grond van die historiese inhoud word 1 en 2 Samuel gereken as historiese boeke.

In die Hebreeuse Bybel, die Tanag, word 1 en 2 Samuel saam met Josua, Rigters, 1 Konings en 2 Konings by die Vroeë Profete geplaas. Hierdie boeke vertel hoe die Israeliete besit neem van die land Kanaän en hulleself daar vestig. Profete herinner die volk aanhoudend aan die wet van Moses en waarsku hulle teen die verbreking van die gebooie.