Bible Society of South Africa
Izinhlelo zokufunda
Umhlahlandlela Wokuphila
Umhlahlandlela Wokuphila – Day 9

Umhlahlandlela Wokuphila – Day 9

- Isizungu nomzwangedwa
 - Lapho uzizwa uphansi kakhulu
- Hlanganyela neqembu leSifundo seBhayibheli

Um(Imi)bhalo weBhayibheli

NgokukaJohane 1

14ULizwi waba yinyama, wakha phakathi kwethu, sabona inkazimulo yakhe, inkazimulo njengeyozelwe yedwa kuYise, egcwele umusa neqiniso.

NgokukaJohane 1:14ZUL59NOVula kumfundi weBhayibheli

Ihubo 25

16Phendukela kimi, ube nomusa kimi,

ngokuba nginesizungu, ngihluphekile.

Ihubo 25:16ZUL59NOVula kumfundi weBhayibheli

Ihubo 69

17Ungayifihleli inceku yakho ubuso bakho,

ngokuba ngiyahlupheka;

shesha ungiphendule.

18Sondela kuwo umphefumulo wami, uwuhlenge,

ngikhulule ngenxa yezitha zami.

Ihubo 69:17-18ZUL59NOVula kumfundi weBhayibheli

Ihubo 69

20Ukuthukwa kuyaphulile inhliziyo yami,

ngigula kakhulu;

bengibheka ukuhawukelwa,

kepha akwabakho,

nabaduduzayo,

kepha angibatholanga.

Ihubo 69:20ZUL59NOVula kumfundi weBhayibheli

NgokukaMathewu 11

28“Zanini kimi nina nonke enikhatheleyo nenisindwayo, mina ngizakuniphumuza. 29Bekani ijoka lami phezu kwenu, nifunde kimi, ngokuba ngimnene, ngithobile ngenhliziyo; khona imiphefumulo yenu iyakufumana impumuzo. 30Ngokuba ijoka lami lihle, nomthwalo wami ulula.”

NgokukaMathewu 11:28-30ZUL59NOVula kumfundi weBhayibheli

NgokukaMathewu 18

19“Futhi ngiqinisile ngithi kini: Uma ababili kini emhlabeni bevumelana noma ngaluphi udaba abalucelayo, bayakulwenzelwa nguBaba osezulwini.

NgokukaMathewu 18:19ZUL59NOVula kumfundi weBhayibheli

– Isizungu nomzwangedwa
 Kunezikhathi empilweni yethu lapho sizizwa singasodwa futhi siqhelile kwabanye. Noma kunjalo, kungaba ngenxa yezizathu ezisobala, njengokuba nezinkinga ebudlelwaneni nomlingani wakho noma ulahlekelwe umuntu omthandayo. Kungakhathaleki ngokweminyaka yakho, isizungu singaba yinkinga enkulu kanti akuvamile ukuba kube lula ukuthola iqembu labantu abacabanga ngokufanayo ukuba uphilisane nabo. UKhristu, oqonda isizungu kanye nokungathandwa, waba njengomunye wethu.

Umhubi uvamise njalo ukubiza uNkulunkulu eyedwa futhi enganakwe muntu.

– Lapho uzizwa uphansi kakhulu
Imizwa yokuzizwa unesizungu ivamise ukufika ihambe ngesikhathi uphila. Noma kunjalo, uma uqhubeka nokuba wedwa ngaphandle kwesizathu esibonakalayo kungaba uphawu lwengcindezi. Kulokhu, kumele ukhulume ngakho, kungabe kusemndenini wakho, kumngani noma lowo oweluleka ngokwengqondo.

– Hlanganyela neqembu leSifundo seBhayibheli
 Iyona ndlela eshesha kunazo zonke yokuxhumana nabantu ofisa ukuzithola ukanye nabo. Uma ungeke ulithole iqembu ozodumisa nalo, zama ukuhlanganisa iqembu lesifundo seBhayibheli. Beka incwajana endaweni yangakini, esitolo ngisho noma emsebenzini, uzomangala ngesasasa ozolithola.

Bible Society of South Africav.4.26.9
SITHOLE KU