Bible Society of South Africa
Izinhlelo zokufunda
Umhlahlandlela Wokuphila
Umhlahlandlela Wokuphila – Day 7

Umhlahlandlela Wokuphila – Day 7

Impilo IYAMANGALISA!

Impilo imfishane ngakho-ke yenza konke okumele ukwenze ngokwenza izinkumbulo oyokwazi ukuba ubuye uzivakashele kabusha ngaphandle kokuzisola emva kwesikhathi. Gwema isimo sendodana yolahleko. Ngokwesaba ukushiya ekhaya ungena ohlotsheni olusha lobugqila bese emosha kakhulu.

Um(Imi)bhalo weBhayibheli

NgokukaLuka 15

11Wayesethi: “Umuntu othile wayenamadodana amabili. 12Encane yawo yayisithi kuyise: ‘Baba, nginike isabelo sefa esiqondene nami;’ wawahlukanisela impahla.

13“Kwathi emva kwezinsuku ezingeziningi indodana encane yayisibutha konke, yamuka, yaya ezweni elikude, yachitha khona imfuyo yayo ihamba ngokonakala.

NgokukaLuka 15:11-13ZUL59NOVula kumfundi weBhayibheli

UmShumayeli 11

Iziluleko kwabasha

9Thokoza, nsizwa,

ebusheni bakho,

inhliziyo yakho ikuphe ukwenama

emihleni yobunsizwa bakho,

uhambe ngezindlela zenhliziyo yakho

njengokubona kwamehlo akho,

kepha yazi ukuthi ngakho konke lokho

uNkulunkulu uyakukungenisa ekwahlulelweni.

10Khipha usizi enhliziyweni yakho,

udlulise okubi emzimbeni wakho,

ngokuba ubusha nobunsizwa buyize.

UmShumayeli 11:9-10ZUL59NOVula kumfundi weBhayibheli

KwabaseKolose 3

12Ngakho-ke njengabakhethiweyo bakaNkulunkulu, abangcwele nabathandekayo, yembathani ububele benhliziyo, nesisa, nokuzithoba, nobumnene, nokubheka kade, 13nibekezelelane, nithethelelane, uma umuntu enensolo komunye; njengokuba neNkosi yanithethelela, yenzani njalo nani. 14Kepha phezu kwakho konke lokho yembathani uthando oluyisibopho sokuphelela.

KwabaseKolose 3:12-14ZUL59NOVula kumfundi weBhayibheli

Kwabase-Efesu 5

UPawulu uxwayisa ngemisebenzi yobumnyama

1Ngakho yibani ngabalingisa uNkulunkulu njengabantwana abathandekayo, 2nihambe othandweni, njengalokho uKristu wanithanda, wazinikela ngenxa yethu, abe ngumnikelo nomhlatshelo, abe yiphunga elimnandi kuNkulunkulu.

3Kepha ubufebe, nakho konke ukungcola, noma isangabe, makungaphathwa nangegama phakathi kwenu, njengokuba kufanele abangcwele, 4nehlazo, nokubheda, nokulawula, okuyizinto ezingafanele, kepha kunalokho makube ngukubonga. 5Ngokuba yazini lokhu, nikuqonde ukuthi akukho sifebe, noma ongcolileyo, noma onesangabe ongokhonza izithombe, onefa embusweni kaKristu noNkulunkulu.

Kwabase-Efesu 5:1-5ZUL59NOVula kumfundi weBhayibheli

Kwabase-Efesu 5

18Ningadakwa yiwayini, kuvela kulo umhumheko, kodwa nigcwaliswe ngoMoya,

Kwabase-Efesu 5:18ZUL59NOVula kumfundi weBhayibheli

KwabaseFilipi 4

4Thokozani eNkosini njalonjalo; ngiyaphinda ngithi: Thokozani! 5Ukubekezela kwenu akwaziwe ngabantu bonke; iNkosi iseduze. 6Ningakhathazeki ngalutho, kepha kukho konke izicelo zenu mazaziwe nguNkulunkulu ngokukhuleka nokunxusa kanye nokubonga. 7Ukuthula kukaNkulunkulu okudlula ukuqonda konke kuyakulondoloza izinhliziyo zenu nemicabango yenu kuKristu Jesu.

8Elokugcina, bazalwane, konke okuyiqiniso, konke okuhloniphekayo, konke okulungileyo, konke okumhlophe, konke okuthandekayo, konke okutusekayo, noma kukhona okuhle, noma kukhona okubongekayo, zindlani ngalokho; 9enakufunda, nakwamukela, nakuzwa, nakubona kimi, kwenzeni lokho; khona uNkulunkulu wokuthula uyakuba nani.

KwabaseFilipi 4:4-9ZUL59NOVula kumfundi weBhayibheli

NgokukaMathewu 5

16Kanjalo makukhanye ukukhanya kwenu phambi kwabantu ukuba babone imisebenzi yenu emihle, badumise uYihlo osezulwini.

NgokukaMathewu 5:16ZUL59NOVula kumfundi weBhayibheli

1 kaJohane 3

18Bantwanyana, masingathandi ngezwi nangolimi, kodwa ngezenzo nangeqiniso.

1 kaJohane 3:18ZUL59NOVula kumfundi weBhayibheli

KwabaseGalathiya 6

9Kepha masingakhathali ekwenzeni okuhle, ngokuba siyakuvuna ngesikhathi esifaneleyo, uma singadangali. 10Ngakho-ke njengokuba sinethuba, asenze okuhle kubo bonke, kepha ikakhulu kwabendlu yokukholwa.

KwabaseGalathiya 6:9-10ZUL59NOVula kumfundi weBhayibheli

1 kaJohane 3

Ukuba nesibindi phambi kukaNkulunkulu

19Ngalokho siyazi ukuthi singabeqiniso; sizakuyithulisa inhliziyo yethu phambi kwakhe

1 kaJohane 3:19ZUL59NOVula kumfundi weBhayibheli

IsiHlabelelo seziHlabelelo 8

6Ngifake njengophawu enhliziyweni yakho,

njengophawu engalweni yakho,

ngokuba uthando lunamandla njengokufa;

isikhwele silukhuni njengendawo yabafileyo;

amalangabi alo angamalangabi omlilo,

ilangabi likaJehova.

7Amanzi amaningi awanakulucima uthando,

nemifula ayinakuluminzisa;

uma umuntu ebeyakunika yonke impahla yendlu yakhe ngothando,

nokho ubeyakwaliwa nokwaliwa.

IsiHlabelelo seziHlabelelo 8:6-7ZUL59NOVula kumfundi weBhayibheli

IsiHlabelelo seziHlabelelo 2

Umnyeni:

2Njengomnduze phakathi kwameva,

sinjalo isithandwa sami phakathi kwezintombi.

3Njengomapula* phakathi kwemithi yasehlathini,

unjalo othandiweyo wami phakathi kwamadodana.

Ngahlala phansi emthunzini wakhe ngokwenama okukhulu,

nesithelo sakhe sasimnandi emlonyeni wami.

IsiHlabelelo seziHlabelelo 2:2-3ZUL59NOVula kumfundi weBhayibheli

IzAga 30

18“Kukhona izinto ezintathu ezingahlula ngokumangalisa,

yebo, ezine engingazaziyo:

19indlela yokhozi emoyeni,

nendlela yenyoka edwaleni,

nendlela yomkhumbi phakathi kolwandle,

nendlela yendoda entombini.

IzAga 30:18-19ZUL59NOVula kumfundi weBhayibheli

– Uthando LUYISIMANGALISO!
 Siyathanda ukukholwa ukuthi uthando yilona olwenza umhlaba uzungeze. Uthando lweqiniso luyamangalisa, kakhulu nendlela yokuphunyula! Kuso ISihlabelelo Sezihlabelelo sifunda ukuthi:
 Futhi ngubani oyoke aqonde ulimi lwezithandani ezimbili ezithandana kakhulu:
 Ngisho umbhali wezincwadi ohlakaniphile nomdala weZaga nakho konke ukuhlakanipha ngeke akwazi ukuqonda isimangaliso sothando:

– Yiba yiKholwa ELIMANGALISAYO
 Lokho kusho ukuletha okwenzayo bese ukusho kuhambelane nalokho okholelwa kukho. Uma siba njengoKhristu, amagugu esikholelwa kuwo angaphezulu kunohla lokufanele kwenziwe nokungafanele kwenziwe. Kunjengokuba njengo Khristu kukho konke esikwenzayo.

– Yazi lapho ohamba ugcine khona
 Ingcindezi yozakwenu ivamise ukuziveza kabi uma uphakathi kwabantu abangangawe noma usendaweni entsha uzimisele ngokwemukeleka. Ukubhekwa kweqiniso njalo ukuthi ungubani nokuthi umephi kuyokusiza ukuthi uhlale usemgudwini ofanele. Khumbula isisho sakudala: “uma ungazi ukuthi umephi, uzothatheka kunoma iyiphi into.”

– Yiba owenza kangconywana
 Yenza ukholo lwakho lube nobuqiniso ngokuba yikholwa elikhuthele. Yiba yivolontiya ekhishini lesobho noma ungene kweminye yemiklamo yomphakathi. Ungaba ukukhanya kubangani bakho ekhampasini noma emsebenzini ngendlela onakekelana ngayo.

Bible Society of South Africav.4.23.0
SITHOLE KU