Ndim elo bhinqa – Usuku 4

Owasetyhini waseBhayibhileni uyavakalelwa

Engumntu wasetyhini nje uyachukumiseka kokumhlelayo. Uyavakalelwa zizinto ezidala uvuyo ebomini, kodwa maxa wambi uyadana xa eva ubunzima ephethwe ngamaxhala nokuzidela.

Kwanakuko oku ùbona ukuthi: Ndim elo bhinqa!

Itekisi yeBhayibhile

1 KASAMWELI 2

Umthandazo kaHana

₁Ke kaloku uHana wathandaza emtyibela *uNdikhoyo, wathi:

“Intliziyo yam inemincili ngawe, Ndikhoyo!

Uphondo lwam luphakanyisiwe nguwe.

Awuhlangani umlomo wam kukuqhayisela iintshaba zam,

ndichulumanca lusindiso lwam.

1 KASAMWELI 2:1XHO96Vula kumfundi weBhayibhile

1 KASAMWELI 1

₆Ngaphezu koko umka-ndod' akhe uPenina wayesoloko emcunukisa, emngcungcuthekisa ngokungazali kwakhe. ₇Yayisithi rhoqo le nto ukwenzeka xa beye kwaNdikhoyo eShilo minyaka le. UPenina wayesoloko emnukuneza ngokungazali kwakhe uHana, amtsho ade akhale ezimathontsi, angafuni nokutya oku.

1 KASAMWELI 1:6-7XHO96Vula kumfundi weBhayibhile

1 KASAMWELI 1:10XHO96Vula kumfundi weBhayibhile

URUTE 1

₂₀UNawomi yena wathi: “Sanukuthi Nawomi kum, yithini Mara, kuba wabenza bakrakra kum ubomi uSomandla. ₂₁Ekumkeni kwam apha ndandingenanto ndingenayo, kodwa ngoku uNdikhoyo undibuyisa ndiyimpula kalujaca. Nisatsholo ni ukuthi ndinguNawomi xa yena uNdikhoyo esuke wandicinezela nje – xa yena uSomandla esuke wandizisela iinkxwaleko?”

URUTE 1:20-21XHO96Vula kumfundi weBhayibhile

IINDUMISO 139

₁₃Andithi na kaloku ndadalwa nguwe;

nditsho mna kanye lo!

Ewe, wandixonxa wandilunga-lungisa kwandisekumama.

₁₄Ndikubonga ndikubulela ngenxa yomntu endinguye,

ngenxa yokumangalisa nokukhwankqisa kwento endiyiyo.

Ewe, iyakhamnqisa kambe imisebenzi yakho.

Leyo ke into ndiyiqonde pheleleyo.

₁₅Uphahla lomzimba wam alungomnqa kuwe;

okuya ndandibunjwa ekusitheleni wawukho.

Ewe, ndabunjwa ngokunqabileyo emajukujukwini.

₁₆Kaloku wena wandibona ndingekenziwa;

imihla owandimisela yona yabhalwa encwadini yakho,

ndingekayiqali nokuyiqala mna.

₁₇Hayi bo, zintsonkothile kambe

iingcamango zakho, Thixo wam!

Yaz'ba zingakanani na ubuninzi!

IINDUMISO 139:13-17XHO96Vula kumfundi weBhayibhile

Uba noluvo olunzulu
Uba buhlungu adane
Unoluvo olukrakra ngenxa yoko kumhleleyo
Uyaqonda ukuthi akukho sizathu sokuba azidele

Izixhobo ZeBhayibhile

Malunga neBhayibhile

Isishwankathelo seBhayibhile (en)

I-BibleSA app

IiBhayibhile

Ngathi (en)

Ivenkile yeBhayibhile (en)

IBhayibhile Yonke Imihla

Izixhobo Ezongezelelweyo ZeBhayibhile (en)

Iindaba ZeBhayibhile (en)

Umibuzo yeBhayibhile (en)

Izicwangciso Zokufunda

Ivesi-ngosuku (en)

Izixhobo zeCawa

INcwadi yeZibhalo Ezingcwele yeCawa (en)

Ulwandlalo lweNtshumayelo (en)

Umoya kaThixo phakathi kwamaphepha (en)

Umboniso weSoftware (en)

Izikhokelo Zomsebenzisi

Malunga neBibleSA

FAQ (en)