Imephu yendlela yoBomi – Day 9

– Ubulolo kunye nokuba wedwa
Kukho amaxesha ebomini bethu apho siziva singamalolo okanye sisodwa. Nangona kunjalo, oku kusenokuba nezizathu ezibonakalayo, ezinje ngokuba ube neengxaki zobudlelwane neqabane lakho okanye ushiywe ngumntu omthandayo. Akukhathaliseki nokuba ungakanani na, ubulolo bungaba yingxaki enkulu kuba akusoloko kulula ukufumana iqela labantu abaneengqondo ezifanayo nezakho nonokonwaba nabo. UKrestu, kuba eyiqonda imeko yobulolo nokulahlwa ngabantu, waba ngathi ungomnye wethu.

UMdumisi wasoloko ebiza kuThixo ngethuba lobulolo nokunxunguphala.

– Xa ufikelele ekubeni ube nomoya osezantsi
Ukuziva ulilolo kuyafika kube kudlule ebomini. Nangona kunjalo, xa soloko uziva ulilolo okokoko oko kungaba luphawu lwesigulo sokudakumba. Kwakuba njalo ke kufuneka uthethe ngale meko, nokuba kukusapho lwakho, umhlobo okanye umcebisi ufumane uncedo.

– Joyina iqela leziFundo zeBhayibhile
Le yeyona ndlela ikhawulezileyo yokuhlangana nabantu oziva ukhululekile xa uhleli nabo. Ukuba akulifumani iqela labantu olingana nabo, zama ukuhlanganisa iqela lezifundo zeBhayibhile. Xhoma iflaya enkulu yokwazisa oku kwingingqi yakho, evenkileni okanye kwindawo osebenza kuyo, uyakumangaliswa kukufumana iimpendulo ezinolangazelelo kulo mba.