Amaculo 38

₁YEHOVA! zungandohlwayi ngengqumbo yako; zungandibeti ngomsindo wako.

₂Ngokuba intolo zako zindihlabile; isandla sako sihlele pezu kwam. ₃Akuko kupila enyameni yam, ngenxa yomsindo wako; akuko luxolo ematanjeni am, ngenxa yesono sam. ₄Ngokuba inkohlakalo zam zidlule pezu kwentloko yam; njengomtwalo onzima ziyandisinda. ₅Izilonda zam ziyanuka, zibolile, ngenxa yobugeza bam. ₆Ndigotyiwe, nditotyiwe kakulu, ndihamba ndilila imini yonke. ₇Ngokuba isinqe sam sizele kukutsha; akuko kupila enyameni yam. ₈Ndicubukile, ndapukile kanye; ndiyabomboloza ngenxa yexala lentliziyo yam. ₉Nkosi! inkanuko yam yonke isebusweni bako; nokugula kwam akukufihlelwanga. ₁₀Intliziyo yam iyabetabeta, ndishiyiwe ngamandla am; nokukanya kwamehlo am, kwa wona akaseko nam.

₁₁Abatandi bam nabahlobo bam bayagwegweda esibetweni sam: nabalamane bam bemi kude. ₁₂Kanjalo abo bafuna ubomi bam bayanditiyela; nabo bafuna ukwenzakala kwam bayateta izinto zobumenemene; bayacinga inkohliso imini yonke. ₁₃Kodwa mna bendinjengesitulu, andeva; nanjengesidenge esingavuli umlomo waso. ₁₄Ndandinjengomntu ongeva nto, nokungeko zohlwayo emlonyeni wake. ₁₅Ngokuba, Yehova! nditembela kuwe; uya kupendula wena, Nkosi, Tixo wam! ₁₆Ngokuba ndite: Ndipendule, hleze bandivuyelele. Nxa lutyibilikayo unyawo lwam, bayazenza bakulu ngakum. ₁₇Ngokuba ndihlalel’ ukuqwalela, nobuhlungu bam busebusweni bam futi. ₁₈Ngokuba ndiya kushumayela inkohlakalo yam; ndiya kuba novalo ngenxa yesono sam. ₁₉Kodwa intshaba zam zipilile, zomelele; nabo banditiyayo kungeko ndawo bayandiswa. ₂₀Kanjalo abo bavuzayo ngobubi endaweni yokulunga, bayimpi kum ngokuba ndiputuma okulungileyo.

₂₁Zungandishiyi, Yehova! Tixo wam, zungabi kude nam! ₂₂Kauleza ukuza kundisiza, Nkosi, usindiso lwam!