Amaculo 37

₁UNGAZIQUMBISI ngenxa yabo bakwenza okungalungileyo; ungabi namona ngakubo abenzi bobumenemene. ₂Ngokuba beya kuhla banqanyulwe njengenca; bobuna njengomfuno oluhlaza. ₃Tembela kuyehova, wenze okulungileyo; yima umhlaba, udle ngokukolwa. ₄Ziyolise nokuziyolisa kuyehova; wokunika izicelo zentliziyo yako. ₅Qengqela pezu kwoyehova indlela yako; tembela kuye nokutemba, kwakuya kwenziwa nguye. ₆Wovelisa ubulungisa bako njengokukanya, nokugwetyelwa kwako njengemini enkulu.

₇Yiti cwaka pambi kwoyehova, uhlale ulinda yena. Ungaziqumbisi ngenxa yonokutamsanqeleka endleleni yake, ngenxa yomntu owafezayo amaqinga akohlakeleyo. ₈Yeka ingqumbo, ushiye umsindo; ungaziqumbisi, kukwenza okungalungileyo kupela. ₉Ngokuba abenzi bokungalungileyo beya kunyotulwa; kanti abakangela kuyehova, bona bowufuya umhlaba. ₁₀Kwoba ngumzuzwana aze angabiko okohlakeleyo; wogqala indawo yake wena, kanti akaseko. ₁₁Kodwa abalulamileyo bowufuya umhlaba; boziyolisa ebuninzini boxolo.

₁₂Okohlakeleyo uyaqinga ngakuye olungileyo; uyatshixiza ngakuye ngamazinyo ake. ₁₃Inkosi yona iya kumhleka; ngokuba ibona ukuba imini yake iyeza. ₁₄Abakohlakeleyo bar̔olile iṙele, batyedile isipeta sabo, ukuze bawise ihlwempu nosweleyo, babulale abandlela ilungileyo. ₁₅Iṙele labo liya kungena kweyabo intliziyo, nezipeta zabo ziya kwapulwa.

₁₆Intwana encinane yolungileyo ibudlule ngokulunga ubutyebi babakohlakeleyo abaninzi. ₁₇Ngokuba ingalo zabakohlakeleyo ziya kwapulwa; kanti uyehova uyabasekela abalungileyo.

₁₈Uyehova uyayazi imihla yabayinene; ilifa labo liya kuhlala kude kube ngunapakade. ₁₉Abayi kudana ngexesha lobubi; nasemihleni yendlala bohlutiswa. ₂₀Kodwa abakohlakeleyo botshabalala; nentshaba zikayehova njengamanqata emvana ziya kupela; njengomsi ziya kupela. ₂₁Okohlakeleyo uyaboleka kwabanye, angabuyi ahlaule; kanti olungileyo uba nofefe, uyapa. ₂₂Ngenyaniso abatamsanqeliswa nguye bowufuya umhlaba; kanti abaqalekiswa nguye bonqanyulwa.

₂₃Amanyatela omntu olungileyo ayaqiniswa nguyehova; uyatanda indlela yake. ₂₄Nakuba esiwa, akayi kuwiswa kupele; ngokuba uyehova esekela ngesandla sake. ₂₅Ndibe ndimtsha, kaloku sendimdala; kodwa andizanga ndibone olungileyo eshiyiwe, nenzalo yake ifuna ukutya. ₂₆Uba nofefe imihla yonke, aboleke; inzalo yake yeyokutamsanqelisa.

₂₇Suka enkohlakalweni, wenze okulungileyo, uhlale uhleli kude kube ngunapakade. ₂₈Ngokuba uyehova etanda okufaneleyo; akashiyi abangcwele bake; bayagcinwa kude kube ngunapakade bona, kodwa inzalo yabakohlakeleyo iyanqanyulwa. ₂₉Abalungileyo bowufuya umhlaba, bahlale ngonapakade pezu kwawo.

₃₀Umlomo wolungileyo uyaxela ubulumko; ulwimi lwake luyateta okufaneleyo. ₃₁Umteto wotixo wake usentliziyweni yake; akuyi kubako elityibilikayo kwamanyatela ake. ₃₂Okohlakeleyo uyalalela olungileyo, efuna ukumbulala. ₃₃Uyehova akayi kumshiya esandleni sake; akayi kumgweba nxa ityala lake litetwayo. ₃₄Kangela kuyehova, ubambe indlela yake; wokupakamisa uze ufuye umhlaba: nxa banqanyulwayo abakohlakeleyo, wobonela.

₃₅Kendabona okohlakeleyo, umbandezeli, etwabululeka njengomti oluhlaza: ₃₆kodwa wadlula, bona ke, akaseko; ewe ndamfuna, kanti akafumaneki. ₃₇Gqala ofezekileyo, ukangele olungisayo; ngokuba isipelo somntu onje siluxolo. ₃₈Kanti abagqiti bayatshatyalaliswa kunye; isipelo sabakohlakeleyo siyanqanyulwa. ₃₉Kodwa usindiswa lwabalungileyo luvela kuyehova; ungamandla abo ngexesha lobunzima. ₄₀Uyehova wobanceda, abakulule; uya kubakulula kubo abakohlakeleyo, abasindise; ngokuba betembile kuye.