Amaculo 39

₁NDITE: Ndiya kulumkela indlela zam, ndize ndingoni ngolwimi lwam: ndogcina umlomo wam ngomkala, nxa okohlakeleyo asebusweni bam. ₂Ndasidenge ngokuti cwaka, ndati tu nakoko kulungileyo; lwaza usizi lwam lwavuswa. ₃Intliziyo yam yaba shushu pakati kwam; ndisacinga watsha umlilo; ndateta ngolwimi lwam. ₄Yehova! ndazise isipelo sam, nomlinganiswa wemihla yam, ukuba ungakananina; ndize ndazi ukunqamka kwam. ₅Bona ke, imihla yam nyenze njengobubanzi besandla: nexesha lam linjengokungento pambi kwako: ngenyaniso bakokungendawo kupela bonke abantu bemi nje. Sela. ₆Ngenyaniso umntu uyahamba njengesitunzi: ngenyaniso bafumana benesitukutezi: uyafumbela indyebo, kanti akamazi oya kuzamkela.

₇Kaloku, Nkosi! ndikangela nto nina? Itemba lam likuwe. ₈Ndikulule kuzo zonke izigqito zam: ungandenzi isigxekwa segeza. ₉Ndibe ndisidenge, andavula umlomo wam; ngokuba kube kusenziwa nguwe. ₁₀Susa isibeto sako kum: ndigqityiwe kukulwa kwesandla sako. ₁₁Nxa uti, ngenxa yenkohlakalo, umluleke umntu ngezohlwayo, uyonakalisa ubuhle bake njengenundu: ngenyaniso bonke abantu bakokungendawo. Sela. ₁₂Yiva umtandazo wam, Yehova! unike indlebe ekukaleni kwam; zungati cwaka ezinyembezini zam; ngokuba ndingowasemzini ndikuwe nje, ndingumpambukeli njengobawo bonke. ₁₃Zundiyeke, ndize ndizomeleze, ndingekemki ukuze ndingabi sabiko.