U‐Jobi 29

₁WALEKELA u‐Jobi wahambisa isiteto sake, wati:

₂Akwaba kwakunjalo kum njengasezinyangeni zapambili, njengasemihleni wandigcinayo utixo; ₃sakukazimla isibane sake pezu kwentloko yam, ndakuba ngokukanya kwake ndacanda ubumnyama: ₄njengokuba bendinjalo emihleni yokucuma kwam, nxa inkolelo katixo ibipezu kwentente yam; ₅nxa usomandla abeseko nam, bandingqonga abafana bam; ₆nxa ndabendihlanza izihambo zam ngamasi, lati iliwa latulula ngakum imilanjana yeoli!

₇Ndati ndakupumela esangweni ngasesixekweni, nesihlalo sam ndasimisa enkundleni; ₈amadodana andibona, azimela; namaxego esuka, ema. ₉Inkosana zawabamba amazwi, zabeka isandla pezu kwomlomo wazo. ₁₀Amanene ilizwi lawo latiwa cwaka, nolwimi lwawo lwanamatela ekuhlangutyeni lawo. ₁₁Yakundiva indlebe, yandul’ ukunditamsanqelisa; lakundibona iliso, landul’ ukundinqi̔nela: ₁₂ngokuba ndabendisindisa ihlwempu elakalayo, kwa nenkedama, nongenamncedi. ₁₃Isitamsanqeliso sobebuba seza pezu kwam; nentliziyo yomhlolokazi ndayenza ivume ngovuyo. ₁₄Ndambata ubulungisa; bona bazivatisa ngam; lwalunjengengubo nonkontsho ugwebo lwam. ₁₅Bendingamehlo kwimfama, nenyawo kwisiqwala. ₁₆Bendinguyise kwabasweleyo; netyala lalowo bendingamazi ndalifunisela. ₁₇Ndawapula amabamba olimenemene, nasemazinyweni ake ndayiti kahla impango. ₁₈Ndaza ndati: Okunene ndobubela endlwini yam, ndiya kwandisa imihla njengentlabati: ₁₉ingcambo yam ivulekele emanzini, uti umbete ulalise esebeni lam: ₂₀ubungcwalisa bam buyatwasa kum, nesipeta sam siyahlaziywa esandleni sam.

₂₁Bandibekela indlebe, balinda ke; bati tu ngenxa yecebo lam. ₂₂Emveni kwelizwi lam ababuya batete; kwatontsela pezu kwabo isiteto sam. ₂₃Babendilindela njengokuba kulindelwa imvula; bayakamisa imilomo yabo njengokuba kusakanyiselwa imvula yasemva. ₂₄Ndakubancumela, babengenakukolwa; nokukanya kwobuso bam babengakuwisi. ₂₅Ndanyula indlela yabo, ndahlala ndiyinkosi; ndema njengokumkani ebandleni, njengotutuzelayo abalusizi.