U‐Jobi 30

₁Kodwa kaloku, bayandihleka abamihla mincinane kweyam, abayise ngendicekisile ukubabeka ndawonye nezinja zomhlambi wam. ₂Kwa amandla ezandla zabo, ayinto nina kum, abo babujelweyo bubudala obuzeleyo? ₃ngentswelo nangokulamba becontile! abasabela ezweni elomileyo, ebumnyameni bokucitakala nokutshabalala; ₄abaqaula umfuno otyuwaṙa ngasetyolweni; nabakutya kuzingcambo zemiti yeroteme. ₅Bagxotwa pakati kwabantu, (abamemeza ngakubo njengakulo isela,) ₆ukuya kuhlala emifuleni eyoyikekileyo, eminxunyeni yomhlaba namawa. ₇Bayakonya pakati kwamatyolo; bayafumbalala ngapantsi kwamaṙau. ₈Abantwana bobubedengu, ewe, abantwana bokungenagama! bagqogqwa elizweni.

₉Kanti kaloku, ndiba yingoma yabo; ewe, ndiba ngumzekeliso kubo. ₁₀Bayandizonda; bayashenxa kude kum; ababambi namate ebusweni bam. ₁₁Ngokuba ecumbulule intambo yake, wandibandezela, nabo bawulahlile umkala pambi kwam. ₁₂Ngasekunene bayasuka abafana; bayasunduza inyawo zam; bayaposela ngakum indlela zabo zokutshabalalisa. ₁₃Bayacita umendo wam; bayahambisa ilishwa lam; akuko mncedi kubo. ₁₄Njengaselutandeni olubanzi bayangena; ngapantsi kwengcitakalo bayaziqengqa. ₁₅Izituso zijikile ngakum; ziyasukela ubukosi bam njengomoya; nanjengelifu idlulile inyweba yam.

₁₆Nakaloku, umpefumlo wam upalele pezu kwam; imihla yembandezelo indibambile. ₁₇Ebusuku amatambo am ayahlatywa kum; nemisipa yam ayinakulala. ₁₈Ngobukulu bamandla esifo sam kwenziwe ngakumbi isivato sam; siyandibinqa njengebenqo lehempe yam. ₁₉Undikahlele eludakeni, ndide ndafana notuli notutu. ₂₀Ndiyabizela kuwe, kanti akundipenduli; ndiyasuka ndime, kanti akundigqali. ₂₁Uzenze bunqola kum; ngamandla esandla sako uyandizonda. ₂₂Uyandifunqulela emoyeni; uyandikwelisa pezu kwawo, ugqibele ukundinyibilikisa. ₂₃Ngokuba ndikwazi ukuba uya kundizisa ekufeni, nasendlwini emiselwe bonke abahleliyo. ₂₄Ewe, akuko kutandaza, akwolula isandla sake, nakuba ekububiseni kwake bakalayo. ₂₅Andililanga na pezu kwomihla inzima? ubungenabuhlungu umpefumlo wam na pezu kwosweleyo? ₂₆Ndakukangela ubutamsanqa, kwandul’ ukufika ububi; ndakulinda ukukanya, kweza ubumnyama. ₂₇Amatumbu am abilisiwe, engabanga nakuzola; imihla yembandezelo indibaqile. ₂₈Ndihambile ndimdaka, kungengalo ilanga; ndipakamile entlanganisweni, ndakala ke. ₂₉Ndiba ngumzalwana kwimpungutye, nomlingane kwincinibakazi. ₃₀Intlonze yam iba mnyama yobuke kum; namatambo am atshile bubushushu. ₃₁Kanjalo uhadi lwam luguqulwe lwaba lusizi, nomlozi wam waba lilizwi labalilayo.