Pesalema 120

₁E rile ke le mo pitlaganong

ka tlhaeleletsa kwa go

Jehofa, mme a nkaraba.

₂Jehofa, golola mowa wa me

mo dipounameng tse di akang,

le mo lolemeng lo lo boferefere.

₃Wena loleme lo lo boferefere,

o tlaa newa eng?

Kgotsa o tlaa dirwa eng gape?

₄Metswi e e bogale ya ba ba dinatla,

e na le magala a mokala.

₅A bo go latlhega nna,

ka ke jakile mo Mešeke,

ka ke agile mo megopeng

ya Ketare.

₆Mowa wa me ga o bolo go aga

le ene yo o ilang kagiso.

₇Nna ke rata kagiso;

mme fa ke bua,

bone ba rata ntwa fela.