TIPISALEMA 6

₁Oho Yehovha! U nga ndzi holoveli hi vukari bya wena;

U nga ndzi bi hi ku holova ka wena.

₂U ndzi tsetselela, Yehovha, hikuva ndzi pfumala matimba;

U ndzi horisa, Yehovha hikuva marhambu ya mina ma rhurhumela.

₃Moya wanga wu chava ngopfu;

Kambe wena Yehovha, u ta hlwela ku yisa kwihi?

₄Tlhela, Yehovha! U tshunxa moya wa mina;

U ndzi ponisa hikwalaho ka tintswalo ta wena.

₅Hikuva eku feni a ka ha anakanyiwi;

I mani la nga ta ku dzunisa exivandleni xa vafi?

₆Ndzi karhele hi ku keta;

Hi vusiku byin'wana ni byin'wana, ndzi tsakamisa xilawu xa mina hi ku rila;

Byetlelo bya mina byi tsakama hi mihloti ya mina.

₇Mahlo ya mina ma hela hi nhlomulo;

Ma ondza hikwalaho ka hinkwavo lava ndzi xanisaka.

₈Tshinelani ekule na mina, n'wina hinkwenu lava tirhaka swo biha;

Hikuva Yehovha u yingisile rito ra swirilo swa mina.

₉Yehovha u yingisile ku kombela ka mina.

Yehovha u amukele xikhongelo xa mina.

₁₀Hinkwavo valala va mina va ta khomiwa hi tingana, va rhurhumela;

Va ta tlhela endzhaku, va khomiwa hi tingana.