JEREMIA 45

₁Šele lentšu le Jeremia a le boletšego a era Baruke morwa wa Neriya, ka ngwaga wa bone wa Joyakima morwa wa Josia kgoši ya Juda, mola Baruke a ngwadile taba tšela ka moka tša puku a botšwa ke Jeremia. ₂Morena Modimo wa Isiraele o bolela nago, wene Baruke; ₃o re: Ke yo madimabe! Hleng mahloko a ka Morena o a hlatlaganya a majapelo! Ke fedile maatla ka phegelo; mo nkago khutša se go bone!

₄Mmotše o re: Morena o re: Tseba, se ke se agilego ke a se phušola; se ke se hlomilego ke a se tomola; ke di dira naga yohle. ₅Gomme wena, a o sa inyakela tše kgolo? Se di nyake! Tseba gobane ke tliša bošula bo tlogo wela nama yohle. O realo Morena. Ge e le wena, ke go fa bophelo bja gago, gore mo go fela mo o yago, o ye o tšhabile o na nabjo!