ISAHLUKO 7

₁KWA ti ngezinsuku zika Ahazi indodana ka Jotamu, indodana ka Uzia, inkosi ya kwa Juda, uRezina inkosi ya seSiria, noPeka indodana ka Remalia, inkosi ya kwa Israeli, ba kupukela eJerusalema ukulwa nalo, kodwa ba hluleka ukulahlula.

₂Kwa tyelwa indhlu ka Davida, kwa tiwa, iSiria li hlangene noEfraimi. Inhliziyo yayo ya zamazama, nenhliziyo yabantu bake, njengemiti yehlati i zanyazanyiswa umoya.

₃Wa ti uJehova kuIsaya, Hambake manje, u yo kuhlangana noAhazi, wena noShearjashubi indodana yako, ekugcineni komsele wecibi eli senhla emgwaqweni omkulu wensimu yomhlanzi wezingubo

₄U ti kuyena, Hlakanipa u tule, u nge sabi, nenhliziyo i ngesatyiswa ilemisila emibili ya lezizikuni ezitunqayo, ngolaka olusabekayo luka Rezina kanye noSiria, no lwendodana kaRemalia.

₅Ngokuba iSiria, noEfraimi, nendodana ka Remalia, ba zizekele indaba embi ngawe, be ti,

₆Ma si kupukele eJuda, si li tukutelise, si zenzele ibala kona, si mise inkosi ngapakati kwalo, indodana ka Tabeali.

₇U tyo uJehova uTixo, a ku yi kuma; loko a ku yi kwenzeka futi.

₈Ngokuba ikanda la seSiria li iDamaseku, nekanda la seDamaseku li uRezina; na ngapakati kweminyaka e ngamashumi a isitupa nesihlanu, iEfraimi li ya kwapulwa, li nga be li sa ba isizwe.

₉Ikanda la seEfraimi li iSamaria, nekanda la seSamaria li indodana ka Remalia. Uma ka ni vumi ukukolwa iloku, impela a ni yi ku miswa.

₁₀Futi uJehova wa kuluma kuAhazi, wa ti.

₁₁Cela isibonakaliso, kuJehova uTixo wako, si cele noma enjulwini, noma ngapezulu.

₁₂Kodwa uAhazi wa ti, a ngi yi kucela, a ngi yi ku m yenga uJehova futi.

₁₃Wa ti Yizwani manje O ndhlu ka Davida; Ku into encane ukuba ni kataze abantu, kodwa ni ya kukataza uTixo wami futi na?

₁₄Ngako uJehova yena u ya kukunika isibonakaliso; bheka, intombi i ya kumita, i zale indodana, i bize igama layo ngokuti uEmanueli.

₁₅U ya kudhla ipehlwa nezinyosi, ukuba a ze a qonde ukwala okubi, a kete okulungileyo.

₁₆Ngokuba umntwana e nga ka kwazi ukwala okubi, a kete okuhle, izwe eni li zondayo li ya kuhlubukwa amakosi omabili alo.

₁₇uJehova u ya kuleta pezu kwenu, na ngapezu kwabantu benu, na ngapezu kwendhlu ka yihlo, izinsuku e zi nga ka fiki ku suke ngosuku lokupuma kuka Efraimi eJuda; inkosi ya seAsiria.

₁₈Ko ti, ngalolosuku, uJehova u ya kuhlabela umkosi impukane e nga sekugcineni ya sEgipite: nenyosi esezweni la seAsiria.

₁₉Zi ya ku fika, zi pumule zonke ezigodini ezi ihlane, nasemigodini yamatye, na pezu kwameva onke, na pezu kwezihlahla zonke.

₂₀Ngalololusuku uJehova u ya kugunda ngensingo etyelekiweyo ibona aba ngapesheya komfula, na kuyo inkosi ya seAsiria, ikanda, noboya bezinyawo; nayo i ya kuqeda futi isilevu.

₂₁Ko ti, nga lololusuku, indoda i ya kondhla inkomo entya, nezimvu ezimbili;

₂₂Ko ti, ngobuningi bobisi ezi ya kumnika lona, u ya kudhla ipehlwa ngokuba bonke abashiyiweyo ezweni ba ya kudhla ipehlwa nezinyosi.

₂₃Ko ti ngalololusuku, zonke izindawo lapo be ku kona amavini a inkulungwane, a lingene isiliva eli inkulungwane, zi ya kuba imizungulu nameva.

₂₄Abantu ba ya kufika be pete izinkandi nemicibityolo, ngokuba izwe lonke li ya kuba imizungulu nameva.

₂₅Na kuzo zonke izintaba ezi linywa ngegeja, a ku yi kuvela ukwesaba imizungulu nameva: kodwa zi ya kuba idhlelo lezinkabi, nendawo yokunyatela yezinkomana.