Imizekeliso 31

₁AMAZWI ka‐Lemuweli ukumkani; isiprofitesho owabesifundiswa ngunina.

₂Yinto nina, nyana wam? yinto nina, nyana wesizalo sam? ewe, yinto nina, nyana wezibambiso zam? ₃Musa ukunika amandla ako kuwo amankazana, nendlela zako kuko okutshabalalisayo okumkani.

₄Akufanele okumkani, Lemuweli! akufanele okumkani ukusela iveyine, nenkosi ukukanuka uselo olunamandla: ₅hleze asele, alibale umteto, aze ajike ityala lababandezelweyo bonke. ₆Nikani uselo olunamandla koza kububa, neveyine kwabampefumlo uṙaṙa. ₇Makasele, aze alibale ubuhlwempu bake, angabi sakumbula ubunzima bake.

₈Vulela oliyilo umlomo wako; wuvulele ityala labo bonke abazinkedama. ₉Vula umlomo wako, lungisa ukugweba, utetelele olihlwempu nosweleyo.

₁₀UMFAZI otembekileyo ngubanina ongamfumanayo? ngokuba ixabiso lake ligqitisele irubi kakulu. ₁₁Intliziyo yendoda yake iyatembela kuye, ukuze ingasweli inzuzo. ₁₂Uya kuyenza okulungileyo, angayenzi okubi, yonke imihla yobomi bake. ₁₃Uyafuna uboya nefelase, anyamekele ukusebenza ngezandla zake. ₁₄Unjengazo inqanawa zabatengi; uyazeka ukutya kwake kwa kude. ₁₅Kanjalo uyavuka kusesebusuku, aze anike abendlu yake ukudla, nezicakakazi zake okuzimiselweyo. ₁₆Uyacingela intsimi, ayizuze ke; ngesixakato sezandla zake uyatyala umyezo. ₁₇Uyabinqa isinqe sake ngamandla, azomeleze ingalo zake. ₁₈Uyaqiqa ukuba intengo yake ilungile; isibane sake asicimeki ebusuku. ₁₉Izandla zake uyazolulela kuso isipindele; neminwe yake iyabamba idistafe. ₂₀Isandla sake uyasitwabululela olihlwempu, nezandla zake uyazolulela osweleyo. ₂₁Akoyikeli abendlu yake ngenxa yengqweqwe; ngokuba bonke abendlu yake bambesiwe ngengubo ezibomvu. ₂₂Uyazenzela izigubungelo zokwandlala; yiqiya eshiceneyo neyebomvumnyama ukuvata kwake. ₂₃Indoda yake iyaziwa emasangweni, nxa ihleli nabadala belizwe. ₂₄Uyenza ihempe zeqiya, atengise ngazo; nemibinqo uyayinikela umtengi. ₂₅Amandla nodumo sisivato sake; kanjalo uyahlekela ixesha elizayo. ₂₆Uyavula umlomo wake ngobulumko; nomteto wobubele upezu kwolwimi lwake. ₂₇Uyabonela emikweni yabendlu yake; nesonka sobuvila akasidli. ₂₈Abantwana bake bayasuka, bambize ngonetamsanqa; iyasuka indoda yake, imdumise: ₂₉Zininzi intombi ezenzileyo ngokukolisa, kodwa wena ugqitisile pezu kwazo zonke! ₃₀Isoya sibuxoki, nobunzwakazi buyinto engendawo; kodwa umfazi omoyikayo uyehova, yena uya kudunyiswa. ₃₁Mnikeni ngokwesixakato sezandla zake; eyake imisebenzi mayimdumise emasangweni.