1KWAYE kute ngalomihla, ukuba ama‐Filistiya ahlanganisa imikosi yawo ukwenza imfazwe, kuze kuliwe ngakubo o‐Sirayeli. Wandula u‐Akishe wati ku‐Davide: Yazi ngenyaniso ukuba uya kupuma nomkosi kunye nam, wena namadoda ako. 2Waza u‐Davide wati ku‐Akishe: Ngokunjalo uya kukwazi oko isicaka sako siya kukwenza. Wayesiti u‐Akishe ku‐Davide: Ngako oko ndiya kukumisa ube ngumgcini wentloko yam imihla yonke.
3Kekaloku u‐Samyali ebefile; kanjalo bonke o‐Sirayeli bebemlilele, bamncw̔aba e‐Rama, kwa sesixekweni sake.
Waye u‐Saule ebekwelelisile abenzelana nemishilogu, namatola, elizweni.
4Aza ama‐Filistiya ahlanganiswa, eza ati waca e‐Shuneme: kanjako u‐Saule wahlanganisa onke ama‐Sirayeli, aya ati waca e‐Giliboha. 5Wati u‐Saule akubona umkosi wama‐Filistiya, wasuka woyika, nentliziyo yake yangcangcazela kakulu. 6Waza wabuza u‐Saule kuyehova, kodwa uyehova akampendula, nangamapupa, nange‐Urime, nangabaprofite. 7Wandula u‐Saule wati kuzo izicaka zake: Ndifuneleni umfazi onobushologu, ndize ndiye kulowo, ndibuze kuye. Zaye zisiti izicaka zake kuye: Nankuya umfazi onobushologu e‐Hene‐dore.
8Waza u‐Saule wazenza ngakumbi, wambata ingubo zimbi, wahamba yena, namadoda mabini kunye naye, beza kumfazi lowo ebusuku; wayesiti: Zundilaulele ngomshologu, undinyusele lowo endiya kumxela kuwe. 9Wayesiti umfazi kuye: Bona ke, uyakwazi oko akwenzileyo u‐Saule, okokuba unqamlile abenzelana nemishologu, namatola, elizweni; yinina ngoko ukuba uyatiyela umpefumlo wam ukundifisa? 10Waza u‐Saule wamfungela uyehova, esiti: Ehleli nje uyehova, akuyi kuhlelwa lityala ngenxa yalento! 11Wandula umfazi wati: Ngubanina lowo ndiya kumnyusela kuwe? Wayesiti: Ndinyusele u‐Samyali.
12Wati umfazi lowo akumbona u‐Samyali, wakala ngelizwi elikulu; wayesitsho umfazi lowo ku‐Saule, esiti: Yinina ukuba undikohlisile, wena ungu‐Saule nje? 13Waza ukumkani wati kuye: Ungoyiki; ngokuba iyinto nina uyibonileyo? Wati umfazi ku‐Saule: Ndabona otixo benyuka emhlabeni. 14Wayesiti kuye: Isimilo sake sinjanina? Wati yena: Yindoda elixego enyukayo, eyambete ingubo ende. Wandula u‐Saule wazi ukuba nguye u‐Samyali, watoba ngobuso ngasemhlabeni, waziqubuda.
15Waza u‐Samyali wati ku‐Saule: Yinina ukuba undixalisile ngokundinyusa? Wayesiti u‐Saule: Ndixinezekile kakulu; ngokokuba ama‐Filistiya esilwa ngakum, nokuba utixo wemkile kum, engasandipenduli nangabaprofite nangamapupa; ngako ndibizile wena, ukuba undazise oko endiya kukwenza. 16Wandula wati u‐Samyali: Kunganina ukuba ubuze mna, nxa uyehova emkile kuwe, esel’ elutshaba lwako nje? 17Ngokuba uyehova ezenzele njengokuba ebeteta ngam; ngokuba uyehova eṙazulile ubukumkani esandleni sako, ebunikile kummelwane wako, ku‐Davide: 18ngokokuba ungalivanga ilizwi likayehova, nokuba ungenzanga ngobushushu bomsindo wake ngakuwo ama‐Amaleki, kukona uyehova ekwenzele lento namhla nje. 19Kanjako uyehova uya kunikela ama‐Sirayeli kunye nawe esandleni sama‐Filistiya: nangomso wena nonyana bako noba nam; nomkosi wama‐Sirayeli uyehova wowunikela esandleni sama‐Filistiya.
20Wandula wawa ngobunxamo u‐Saule ubude bake bonke ngasemhlabeni, woyika kakulu ngenxa yamazwi ka‐Samyali: kwaye kungeko amandla kuye; ngokuba engadlanga isonka yonke imini nabo bonke ubusuku. 21Waza umfazi lowo weza ku‐Saule, wabona ukuba uyetuswa kakulu, wati kuye: Bona ke, isicakakazi sako sivile ilizwi lako, nompefumlo wam ndiwubekile esandleni sam, namazwi ako obuwateta kum ndiwapulapule: 22ngako kaloku kaupulapule nawe ilizwi lesicakakazi sako, ukuba mandibeke umtamo wesonka ebusweni bako, uze udle; wauya kuba namandla, nxa uhamba ngendlela yako. 23Koko walayo, wati: Andiyi kudla. Kodwa zamqu̔ba izicaka zake, kwa nomfazi lowo kanjalo; wada wapulapula ilizwi labo. Waza wesuka emhlabeni, wahlala emandlalweni. 24Waye umfazi ebenetole elityetyisiweyo endlwini; wanxama ke walixe̔la; watabata nomgubo, wawubuca, woja izonka ezingenagwele ngawo: 25waza wazisondeza ebusweni buka‐Saule, nasebusweni bezicaka zake; badla ke. Bandula besuka, bemka ngobobusuku.
