Eyokuqala ka‐Samyali 27

₁WADA u‐Davide wati entliziyweni yake: Kaloku ndiya kububa omnye umhla ngesandla sika‐Saule; akuko nto endilungeleyo, kupela ndinxame ndisindele elizweni lama‐Filistiya, ati u‐Saule ancame ngam, ayeke ukundifuna kanjako kuyo yonke imida yakwa‐Sirayeli; kwa njalo ndiya kusinda esandleni sake. ₂Wandula wesuka u‐Davide, wagqita, yena namadoda angamakulu matandatu abenaye, waya ku‐Akishe, unyana ka‐Mahoke, ukumkani we‐Gate. ₃Waye u‐Davide wahlala no‐Akishe e‐Gate, yena namadoda ake, abanye ngabanye benabendlu yabo; u‐Davide enabafazi bake bobabini, u‐Ahinohame um‐Yezerelekazi, no‐Abigali um‐Karamelekazi, umfazi ka‐Nabali. ₄Kwaza kwaxelelwa u‐Saule ukuba u‐Davide usabele e‐Gate; ngako akasapinda ukumfuna.

₅Wayesiti u‐Davide ku‐Akishe: Ukuba ke ndifumene ufefe emehlweni ako, makunikwe kum indawo kwesinye sezixeko zangapandle, ukuba ndihlale kona; ngokuba kunganina ukuba isicaka sako sihlale esixekweni sobukumkani ndawonye nawe? ₆Wandula u‐Akishe wamnika ngalomhla i‐Tsikilage; kukona i‐Tsikilage ilunge kubo okumkani bo‐Juda kude kwanamhla nje. ₇Laye inani lemihla u‐Davide ebehlala ngayo ezweni lama‐Filistiya lingumnyaka mnye nenyanga zine.

₈Kekaloku wenyuka u‐Davide, namadoda ake, baya bagaleleka pezu kwama‐Geshure, nama‐Gezere, nama‐Amaleki; ngokuba wona ebengabemi belozwe kudala, njengokuba kuyiwa e‐Shure, nakude kube kulo ilizwe le‐Jipete. ₉Waza u‐Davide wabeta ilizwe elo, akalondoloza ebomini nendoda nomfazi; kanjako watabata igusha, nenkomo, namaqwaṙashe, nenkamela, nezivato, wada wabuya, weza ku‐Akishe. ₁₀Wandula wati u‐Akishe: Nigalelekile ngapina namhla? Wati ke u‐Davide: Ngasesuyide yakwa‐Juda, nangasesuyide yama‐Jeramele, nangasesuyide yama‐Keni. ₁₁Waye u‐Davide engalondolozanga ebomini nendoda nomfazi, ukubazisa e‐Gate, esiti: Hleze baxele ngati ukuti: Wenje njalo u‐Davide. Laye linjalo isiko lake yonke imihla abehlala elizweni lama‐Filistiya. ₁₂Waza u‐Akishe wakolwa ngu‐Davide, esiti: Ugqibele ukuzinukisa pakati kwabantu bake, pakati kwo‐Sirayeli; ngako woba sisicaka sam ngamaxa onke.